Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq kásipkerler palatasyn transformatsııalaý jónindegi jumys toby qurylady

2022 jyldyń 24 qańtar 2022 22:24

NUR-SULTAN. QazAqparat – «Atameken» ulttyq kásipkerler palatasyn transformatsııalaý jónindegi jumys toby apta sońyna deıin qurylady, dep habarlaıdy uıymnyń baspasóz qyzmeti.

Ulttyq palata buǵan deıin qyzmetin reformalaýǵa daıyn ekenin habarlaǵan bolatyn.

Ótken aptada elimizdiń túkpir-túkpirinen kásipkerler «Atamekendi» transformatsııalaýǵa qatysty usynysyn joldady. Al senbide basqarma músheleri óńirlik bıznes pen salalyq qaýymdastyq ókilderin tyńdady. Endi jumys toby barlyq usynysty qarastyrady. Keıin olar Palatanyń kezekten tys Sezine shyǵarylady.

Talqylaý barysynda qatysýshylar jumys tobyna 17 óńirlik keńesten 2 úmitker jáne 198 qaýymdastyqtyń múddesine ókildik etetin salalyq komıtetterden 2 úmitker kirýi tıis dep sheshti.

Osy aptanyń sońyna deıin óńirlik keńester men komıtetter óz alańynda otyrys ótkizip, atalǵan kandıdattardy anyqtap, alda kele jatqan Sezd kún tártibine usynys berýi kerek. Jumys tobynyń quramy UKP saıtynda jarııalanady.

Osylaısha, dúısenbi, 31 qańtarda jumys toby bıznesten túsken barlyq usynysty talqylaýǵa kirisedi. Otyrystardy ashyq, áleýmettik jelilerde tikeleı translıatsııa arqyly jáne jurtshylyqty únemi habardar etip ótkizý josparlanyp otyr.

Bir aı ishinde jumys tobynyń músheleri eki baǵyt: Ulttyq palatany reformalaý jáne bıznes-qoǵamdastyqtyń problemalary boıynsha talqylaý júrgizýi tıis. Transformatsııalaý boıynsha usynystar UKP-da akkredıttelmegen, biraq onyń qyzmetin jaqsartýǵa qatysýǵa nıet bildirgen kásipkerler men bıznes-birlestikterden de qabyldanady. Jumys tobynyń qorytyndysy boıynsha kezekten tys Sezdiń kún tártibi qurylady.

Búgin «Atameken» joǵary basqarý organyn – Sezdi shaqyrý rásimin bastady. Sezd 17-18 naýryzda ótedi dep kútilýde.


Joǵary qaraı