Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bankte aqsha-kredıt saıasaty jónindegi komıtet quryldy

2021 jyldyń 21 qańtar 2021 11:20

ALMATY. QazAqparat – QR Ulttyq bankinde «QR keıbir zańnamalyq aktilerine ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly» 2021 jylǵy 2 qańtardaǵy QR Zańyna sáıkes Ulttyq Bankte aqsha-kredıt saıasaty jónindegi komıtet quryldy, dep habarlaıdy QazAqparat tilshisi.

QR Ulttyq Banki aqsha-kredıt saıasaty jónindegi komıteti Memleket basshysynyń 2020 jylǵy 1 qyrkúıektegi Qazaqstan halqyna arnaǵan Joldaýyndaǵy tapsyrmasyna sáıkes quryldy. Bul Komıtet Ulttyq Banktiń Basqarmasymen jáne Dırektorlar keńesimen qosa jumys atqaryp júrgen qyzmetkerlerden turatyn úshinshi organ bolady.

«Aqsha-kredıt saıasaty komıtetiniń quzyretine bazalyq mólsherleme týraly sheshimder qabyldaý, aqsha-nesıe saıasatynyń negizgi operatsııalary boıynsha paıyzdyq mólsherlemeni belgileý kiredi. Sondaı-aq, Ulttyq Bank Basqarmasynyń aıryqsha quzyretine kirmeıtin aqsha-kredıt saıasatynyń basqa máseleleri boıynsha sheshim qabyldaý kiredi. Orta merzimdi perspektıvada Komıtet quramyna makroekonomıka men aqsha-kredıt saıasatynda mamandandyrylǵan jáne mol tájirıbesi bar táýelsiz músheler alynady. Aqsha-kredıt saıasaty jónindegi komıtettiń qurylýy ınflıatsııaǵa baǵyttalǵan elderdiń úzdik tájirıbelerine sáıkes keledi jáne aqsha-kredıt saıasaty sheshimderiniń tıimdiligi men ashyqtyǵyn arttyrady», - dedi Ulttyq bankten.


Joǵary qaraı