Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank ınflıatsııanyń ósýine túsinik berdi

2021 jyldyń 25 qazan 2021 17:45

NUR-SULTAN. QazAqparat – QR Ulttyq banki ınflıatsııa úrdisterine túsinik berdi, dep habarlaıdy QazAqparat tilshisi.

Aıta keteıik, QR Ulttyq banki bazalyq mólsherlemeni 9,75%-ǵa deıin kóterý týraly sheshim qabyldady.

«Negizgi saýda áriptes elderdegi ınflıatsııa joǵary deńgeıde qalyp otyr. Qytaıda kómir men energııany kóp qajet etetin salalar ónimine baǵanyń joǵarylaýy nátıjesinde óndirýshiler baǵasynyń ındeksi 10,7%-ǵa deıin ósti. Bıylǵy qyrkúıekte EO-da jyldyq ınflıatsııa 3,6%-ǵa deıin, Reseıde – 7,4%-ǵa deıin jyldamdap, jyldamdaýyn jalǵastyrýda. Muny jyldyq mánde 7,8%-dy quraǵan qazandaǵy aptalyq ınflıatsııa kórsetip otyr», - delingen UB málimetinde.

Qazaqstanda 2021 jylǵy qyrkúıekte jyldyq ınflıatsııa 8,9% boldy. Údeý barlyq quramdas bólikterde baıqaldy. Tamaq ónimderine baǵanyń ósýi (8,9%-dan 4,5 p.t.) jyldyq ınflıatsııanyń jyldamdaýyna negizgi úles qosýda.

«Azyq-túlik ınflıatsııasy jemis-kókónis ónimderi baǵasynyń maýsymdyq tómendeýine qaramastan, 2021 jylǵy qyrkúıekte jyldamdaýyn jalǵastyryp, jyldyq mánde 11,5% boldy. Jem-shóp daqyldary, dızel otyny, elektr energııasy jáne bıdaı baǵasynyń kóterilýi kezinde óndirýshilerdiń ózindik qunynyń ósýi nátıjesinde et (10,3%), nan-toqash (8,7%) jáne sút ónimderi (8%) baǵasynyń jyldyq ósýi azyq-túlik ınflıatsııasynyń jedeldeýine negizgi serpin boldy. Álemdik baǵanyń ósýi qosymsha ınflıatsııaǵa qarsy qysym kórsetedi. Máselen,

2021 jylǵy qyrkúıekte etke FAO ındeksi jyldyq mánde 26,3%-ǵa deıin, sút ónimderine – 15,2%-ǵa deıin ósti, al bıdaıǵa álemdik baǵanyń ósýi 41% boldy», - dep atalyp ótken habarlamada.

Budan bólek, 2021 jylǵy qyrkúıektiń qorytyndysy boıynsha azyq-túlikke jatpaıtyn ınflıatsııa jyldyq mánde 7,5% boldy. Osy jyldamdaýǵa úı turmysyndaǵy zattar, kıim-keshek pen aıaq kıim, janar-jaǵarmaı (JJM) men qatty otyn baǵasynyń jyldyq ósýi negizgi úles qosady.

«Kıim-keshek pen aıaq kıim baǵasy ımporttyq taýarlar baǵasynyń joǵarylaýyna, tutynýshylyq suranystyń qalpyna kelýine jáne halyqtyń naqty aqshalaı tabysynyń ósýine baılanysty artýda. Óz kezeginde, ózindik qunnyń ósýine jáne ekonomıkalyq belsendiliktiń qalpyna kelýine baılanysty JJM men qatty otyn baǵasy artty», - delingen Ulttyq bank aqparatynda.

Aqyly qyzmetter ınflıatsııasy 2021 jylǵy qyrkúıekte 6,8%-ǵa deıin jyldamdady. Dınamıka retteletin qyzmetter baǵasynyń – 5,6%-ǵa, bilim berý qyzmetteri baǵasynyń –

8,4%-ǵa jáne turǵyn úıdi jalǵa alý baǵasynyń – 18,6%-ǵa ósýine negizdelgen. Retteletin qyzmetter arasynda qyrkúıekte elektr energııasy baǵasynyń 8,3%-ǵa jáne suıytylǵan gaz baǵasynyń 6,4%-ǵa ósýi baıqaldy.


Joǵary qaraı