Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank ekinshi deńgeıli bankterdiń ókilderimen tsıfrlyq teńge jobasyn talqylady

2021 jyldyń 23 shilde 2021 18:16

NUR-SULTAN. QazAqparat - Qazaqstan Ulttyq Bankiniń ókilderi qarjy naryǵyna qatysýshylarmen tsıfrlyq teńge jobasyn jáne tsıfrlyq teńgeni engizý jónindegi pılottyq jobaǵa ekinshi deńgeıli bankterdiń qatysý múmkindigin talqylady, dep habarlaıdy QR Ulttyq bankiniń baspasóz qyzmeti.

Pikirtalasqa 60 qatysýshy, onyń ishinde qarjy naryǵynyń ókilderi men tólem júıeleri salasyndaǵy halyqaralyq sarapshylar qatysty. Kezdesý barysynda halyqaralyq tájirıbeni taldaý, pılottyq jobaǵa qatysýǵa qoıylatyn talaptar men naryqqa qatysýshylardy tsıfrlyq teńge platformasynda jańa qarjy ónimderin ázirleýge tartý jóninde josparlar usynyldy.

Tehnologııalar men tólem júıeleriniń jappaı damýyn eskere otyryp, tsıfrlyq teńge qolda bar qolma-qol jáne qolma-qol aqshasyz tólemderge qosymsha jańa tólem quraly bolý áleýetine ıe. Onyń mindeti – tólem qyzmetteri naryǵynda básekelestikti kúsheıtý, halyq úshin ınnovatsııalyq servısterdi ázirleýdi jedeldetý, sondaı-aq óńirlerde qarjylyq qyzmetterdiń qoljetimdiligin arttyrý.

Qazirgi ýaqytta tsıfrlyq valıýtany qurý jáne engizý jónindegi jobalardy álemdegi ortalyq bankter júzege asyrýda.

Qazaqstan Ulttyq Banki jobanyń nátıjelerin jurtshylyqpen jáne qarjy naryǵymen jarııa talqylaýdy jalǵastyrýdy jáne kezdesý qorytyndylaryn buqaralyq aqparat quraldarynda jarııalaýdy maqsat tutyp otyr.


Joǵary qaraı