Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ulttyq bank bazalyq mólsherlemeni kóterdi

2021 jyldyń 25 qazan 2021 15:14

NUR-CULTAN. QazAqparat - QR Ulttyq banki bazalyq mólsherlemeni 9,75%-ǵa deıin kóterý týraly sheshim qabyldady. Bul týraly QazAqparat Ulttyq banktiń baspasóz qyzmetine silteme jasap habarlaıdy.

Tıisinshe ótimdilikti usyný jónindegi turaqty qoljetimdi operatsııalar boıynsha mólsherleme 10,75%, al ótimdilikti alý jónindegi turaqty qoljetimdi operatsııalar boıynsha mólsherleme – 8,75% bolady.

Sheshim ekonomıkada saqtalyp otyrǵan ınflıatsııaǵa qarsy qysym aıasynda qabyldandy, onyń nátıjesinde ınflıatsııa 2021 jyly 7,5-8,5% boljamdy aýqymnan, álemdik naryqtardaǵy baǵalardyń ósýinen, saýda áriptes elderdegi ınflıatsııanyń jedeldeýinen jáne el ishindegi joǵary ınflıatsııalyq kútýlerden joǵary qalyptasady.

Syrtqy ınflıatsııalyq ahýal qolaısyz bolyp qalýda. Bul álemdegi azyq-túlik baǵasynyń joǵary bolýyna, jetkizilim qatarynyń úzilisterine, tasymaldaý, shıkizat pen energııa tasymaldaýshylar qunynyń ósýine, sondaı-aq ishki suranystyń qalpyna kelýine baılanysty. FAO azyq-túlik baǵalarynyń ındeksi 2021 jylǵy qyrkúıekte azyq-túlik taýarlarynyń barlyq shaǵyn toptaryna baǵanyń artýy nátıjesinde jyldyq kórsetýde 32,8%-ǵa ósti.


Basty sózder: QR Ulttyq banki, Ekonomıka, Qor rynogy,
Joǵary qaraı