Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ulttyq bank altyn-valıýta aktıvteriniń kólemi jaıynda túsinik berdi

2022 jyldyń 15 qańtar 2022 13:43

NUR-SULTAN. QazAqparat – QR Ulttyq banki tóraǵasynyń orynbasary Álııa Moldabekova 2021 jyldyń jeltoqsanynda altyn-valıýta aktıvteriniń kólemine jasalǵan ınterventsııalardyń áseri týraly aıtyp berdi, dep habarlaıdy QazAqparat.

«Altyn-valıýta rezervteri bıylǵy jeltoqsannyń basynan bastap 1,1 mlrd AQSh dollaryna tómendep, jeltoqsannyń sońynda 34,4 mlrd AQSh dollaryn qurady. 2021 jyly kólemi alǵash ret 400 tonna belgisinen asqan altyn portfeli 402,4 tonnaǵa jetti nemese 23,5 mlrd AQSh dollaryn qurady», - dedi Á. Moldabekova.

Onyń aıtýynsha, jeltoqsanda altyn baǵasynyń bir ýntsııa úshin 1820 dollarǵa deıin 1,3%-ǵa shamaly ósýi AQSh-taǵy údeı túsken ınflıatsııadan týyndady, alaıda AQSh FRJ rıtorıkasy jáne aktıvterdi satyp alý baǵdarlamasyn qysqartý qarqynynyń jedeldeýi baǵaly metall qunynyń odan ári ósýin shektedi.

«Nátıjesinde, altyn-valıýta rezervteriniń tómendeýi aktıvterdiń valıýtalyq bóligi esebinen oryn aldy, ol memlekettik boryshty tóleý, Úkimet shottary jáne Ulttyq bank klıentteriniń korrespondenttik shottary boıynsha operatsııalar, sondaı-aq valıýtalyq ınterventsııalar saldarynan 1,1 mlrd-qa tómendedi», - dep tusindirdi UB ókili.


Joǵary qaraı