Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úlken Almaty jaǵalaýy abattandyrylady

2021 jyldyń 27 qazan 2021 21:03

ALMATY. QazAqparat - Úlken Almaty jaǵalaýyn rekonstrýktsııalaý jumysyn kelesi jyly bastalady. Bul týraly qala ákimi Baqytjan Saǵyntaev aıtty, dep habarlaıdy QazAqparat tilshisi.

«Selden qorǵaý bógetinen ál-Farabı dańǵylyna deıin jáne odan ári Abaı dańǵylyna deıin Úlken Almaty ózeniniń sý qorǵaý beldeýi men arnasyn rekonstrýktsııalaýdy aldaǵy jylǵa josparlap otyrmyz»,- dedi Baqytjan Saǵyntaev «Almaty» telearnasyndaǵy tikeleı efır barysynda.

Jalpy 2 jyl ishinde 84 nysan abattandyryldy. Byltyr «Qarasý» shaǵyn aýdanda jańa rekreatsııalyq aımaqtyń qurylysy júrgizildi. «Jeltoqsan», «Drýjba» saıabaqtary, «Jetisý-3» shaǵyn aýdanyndaǵy skver, «ıÝjnyı» saıabaǵy abattandyryldy. 2021 jyly «Maıak» toǵaıy, «Kókmaısa» shaǵyn aýdandaǵy Esentaı ózeniniń jaǵalaýy, Taýly qyrat shaǵyn aýdanyndaǵy ýchaske abattandyryldy, Á.Qasteev mýzeıi aldyndaǵy fontan, Abaı atyndaǵy opera jáne balet teatry mańyndaǵy skver, Terrenkýr jáne Jarbulaq, Tiksaı ózenderiniń arnalary abattandyryldy.

Aldaǵy ýaqytta K. Baıseıitova kóshesiniń boıyndaǵy jaıaý júrginshiler (Jambyl kóshesinen Sátbaev kóshesine deıin) aımaǵyn, Qazaq-Brıtan tehnıkalyq ýnıversıtetiniń saıabaǵyn abattandyrý jáne kógaldandyrý kózdelgen.


Avtor Alma Muqanova
Basty sózder: Týrızm, Almaty, Qoǵam, Ákim,
Joǵary qaraı