Aýa raıy
Astana 6 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Úlestik qurylystaǵy alaıaqtyq: Qazaqstandyqtar 3 mlrd teńge shyǵynǵa ushyraǵan

2020 jyldyń 15 qyrkúıek 2020 13:33

NUR-SULTAN. QazAqparat – Qazaqstanda úlestik qurylystaǵy alaıaqtyq boıynsha 27 qylmystyq is tergelip jatyr, dep habarlaıdy QazAqparat tilshisi.

«Atalǵan qylmystyq ister boıynsha zardap shekken 305 adamdy anyqtadyq. Olar 3 mıllıard 200 mıllıon teńgeden astam somaǵa materıaldyq shyǵynǵa ushyraǵan», - dedi QR ІІM Tergeý departamentiniń basshysy Sanjar Ádilov mınıstrlik uıymdastyrǵan onlaın brıfıngte.

Vedomstvo málimetinshe, Nur-Sultan qalalyq Polıtsııa departamentiniń tergeý basqarmasy «Shyǵys» turǵyn úı keshenin salýshyǵa qatysty qylmystyq isti tergep jatyr. Atalǵan qylmystyq is boıynsha 24 jábirlenýshi anyqtalǵan. Alyn ala boljam boıynsha shyǵyn kólemi 184 mıllıon 900 myń teńgeni quraǵan.

«Sonymen birge, Nur-Sultan qalasynda Expo New Life turǵyn úı kesheni úleskerleriniń ótinishimen «Shang Hı Grýp» JShS-na qatysty qylmystyq is tergelip jatyr. Bul qylmystyq is boıynsha biz eki epızodty tirkedik, kelgen zalal somasy 2 mıllıard teńgeden asty. Mańǵystaý oblysynda «Mahabbat» turǵyn úı kesheniniń qurylysy jóninde qylmystyq is tergelýde. Munda 21 úlesker jábirlenýshi bolyp tanyldy, 252 mıllıon teńgeden astam zalal kelgen», - dedi S. Ádilov.

Úlestik qurylys boıynsha barlyq qylmystyq ister Іshki ister mınıstrliginiń baqylaýynda. Ol úshin arnaıy jedel-tergeý toptary qurylǵan.


Avtor Aıjan Serikjanqyzy
Basty sózder: Qylmyspen kúres, QR ІІM,
Joǵary qaraı