Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

UQShU-nyń bitimger kúshteri Qazaqstan aýmaǵynan mindetti túrde shyǵarylady - Vladımır Pýtın

2022 jyldyń 10 qańtar 2022 14:33

NUR-SULTAN. QazAqparat – UQShU Ujymdyq bitimger kúshteriniń kontıngenti Qazaqstanǵa shekteýli ýaqytqa jiberildi. Bul týraly UQShU Ujymdyq qaýipsizdik keńesiniń kezekten tys sessııasynda Reseı Prezıdenti Vladımır Pýtın málim etti, dep habarlaıdy QazAqparat tilshisi.

«Baýyrlas Qazaqstan halqyna kómek kórsetý boıynsha birlesken qadamdar barynsha jedel kelisildi. Osy oraıda UQShU tetigi naqty iske qosyldy. Qazaqstanǵa UQShU Ujymdyq bitimger kúshteriniń kontıngenti baǵyttaldy. Olar merzimi boıynsha shektelgen ýaqytqa jiberildi. ıAǵnı ol qajetti merzimdi Qazaqstan Prezıdenti aıqyndaıdy», - dedi V. Pýtın.

Reseı Prezıdentiniń aıtýynsha, óziniń fýnktsııasyn oryndaǵannan keıin, UQShU-nyń kontıngenti Qazaqstan aýmaǵynan mindetti túrde shyǵarylady.

Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótip jatyr. Jıyn Qazaqstan tarapynyń bastamasymen shaqyryldy.

Eske salaıyq, QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.

Budan buryn habarlanǵandaı, Memleket basshysy Qasym-Jomart Toqaev UQShU-nyń ujymdyq bitimger kúshteri Qazaqstanǵa qysqa merzimdi kezeńge kelgenin aıtty.



Joǵary qaraı