Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ýkraınanyń Harkov qalasynda Abaıdyń eskertkishi ornatyldy

2021 jyldyń 25 qazan 2021 07:39

HARЬKOV. QazAqparat – Ýkraınanyń Harkov qalasynda uly aqyn Abaıdyń eskertkishi ornatyldy, dep habarlaıdy QazAqparat Qazaqstannyń Ýkraınadaǵy Elshiligine silteme jasap.

Eskertkish «Oıshyldar alleıasynda» trıptıh retinde ornatylǵan. Eskertkishtiń avtory Ýkraınanyń halyq sýretshisi Seıfýtdın Gýrbanovtyń aıtýynsha bul eńbektiń ataýy «Tirshilik aǵashy». Trıptıhte Abaımen birge Ýkraınanyń halyq aqyny Grıgorıı Skovorod men ázerbaıjan aǵartýshysy, fılosof Myrza Fatalı Ahýndov beınelengen. Eskertkishtiń bıiktigi 4 metr. Alleıa aýdany 2 543 sharshy metr.








Saıabaq Harkovtaǵy tabıǵaty ádemi tanymal demalys aımaǵynda ornalasqan. Qazaqstannyń Ýkraınadaǵy Elshisi Darhan Káletaev qala ákimshiligine jaqsy bastamasy úshin alǵys aıtty. Ol trıptıh baýyrlas elder arasyndaǵy rýhanı baılanysyn tereńdete túsetinin, olardyń mádenıeti men óneriniń keńinen tanylýyna múmkindik beretinin atap ótti.








Eskertkishti ornatý jóninde bastamashynyń biri Qazaqstannyń Harkovtaǵy Qurmetti konsýly Emın Nadjaflıdiń eńbegi aıryqsha atap ótti.

«Biz bul eskertkishti ýkraınalyq baýyrlastardyń qazaq halqyna, Qazaqstannyń tarıhy men rýhanııatyna sheksiz qurmet dep qabyldaımyz», - dedi Elshi.





Aıta keterligi, Qazaqstan pen Ýkraına arasyndaǵy ekonomıka jáne mádenı baılanys jańa deńgeıge kóterilip, erekshe qarqyn ala túsken. Qazaqstan Elshisi D.Káletaev, Qazaqstannyń Qurmetti konsýly Emın Nadjaflı, eskertkish avtory Seıfýtdın Gýrbanov TÚRІKSOI túrkitildes elderdiń mádenıeti men ónerin birlesip damytý jónindegi halyqaralyq uıymynyń «Abaı» medalimen marapattaldy.











Avtor Jánibek Amangeldi
Basty sózder: Ýkraına, #Abai175, QR SІM,
Joǵary qaraı