Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ýkraınadaǵy jaǵdaı Ulybrıtanııadaǵy baǵanyń ósýine áser etýde

2022 jyldyń 23 mamyr 2022 19:17

BRıÝSSELЬ. QazAqparat – Ulybrıtanııa baǵanyń kúrt ósýine daıyn emes. Brıtandyq «The Independent» gazetine bergen suhbatynda Ulybrıtanııa úkimeti janyndaǵy konsýltatıvtik organnyń basshysy Ian Raıt osyndaı pikir bildirdi, dep habarlaıdy QazAqparat tilshisi.

«Qara teńiz porttaryndaǵy jaǵdaı Ýkraınada 25 mıllıon tonna astyqtyń shyǵarylmaı qalýyna áser etýde. Bul eń kedeı elderdegi ashtyq qaýpin tóndiredi, biraq azyq - túlik ımportyna táýeldi Ulybrıtanııa úshin de aýyr zardaptar ákelýi múmkin», - dep jazady brıtandyq gazet.

Atap aıtsaq taǵamdyq ósimdik maıy qazirdiń ózinde shekteýli túrde jetkiziledi. Tyńaıtqyshtar men mal azyǵy baǵasynyń qymbattaýy otandyq óndiriske keri áserin tıgizýde.
Brıtandyq qaıyrymdylyq uıymdary men memlekettik qarjylandyrýy joq qoǵamdyq toptar jınaǵan azyq-túlik qory taýsylyp qalady degen qorqynysh bar.
Bul daǵdarys seısenbide Ulybrıtanııanyń Azyq-túlik jáne sýsyndar keńesi (FDSC) shuǵyl otyrysynda talqylanady. Onda sala ókilderi azyq-túlik baǵasynyń ósýine baılanysty qalyptasqan qıyn jaǵdaılardy jeńý sharalaryn qarastyrady.
«Meniń oıymsha, úkimet munyń barlyǵynyń saldaryn tolyq túsingen joq. Baǵanyń aıtarlyqtaı ósýine jáne azyq-túlik tapshylyǵyna baılanysty jaǵdaı óte qorqynyshty bolýy múmkin», -dedi Ulybrıtanııa úkimeti janyndaǵy konsýltatıvtik organnyń basshysy Ian Raıt.


Joǵary qaraı