Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ýkraınadaǵy áskerı qaqtyǵys jaqyn ýaqytta toqtamaıdy - BUU

2022 jyldyń 12 mamyr 2022 14:27

NUR-SULTAN. QazAqparat – BUU Bas hatshysy Antonıý Gýterrısh Ýkraınadaǵy áskerı áreketterdi tez arada toqtatýǵa jáne jaqyn bolashaqta beıbit kelissózder júrgizýge múmkindik joq dep sanaıdy. Ol bul málimdemeni sársenbide Venada BUU ishki konferentsııasynyń ashylýy aldynda jasady, dep habarlaıdy QazAqparat Euronews-ke silteme jasap.

Otyrysta Gýterrısh taǵy da Reseı men Ýkraına arasyndaǵy dıalogqa yqpal etýge tyrysyp jatqanyn atap ótti.
Onyń aıtýynsha, BUU gýmanıtarlyq máselelerge, onyń ishinde Marıýpoldan evakýatsııaǵa erekshe nazar aýdaryp jatyr. Onda Qyzyl krestiń kómegimen júzdegen adam evakýatsııalandy.
«Bul soǵys máńgilik bolmaıdy. Beıbit kelissózder jasaıtyn kún týady», - dedi Gýterrısh Aýstrııa prezıdenti Aleksandr Van der Bellenmen birlesken baspasóz máslıhatynda.

«Men ony taıaý ýaqytta bolady dep oılamaımyn. Biraq, bir nárse aıtaıyn. Biz eshqashan berilmeımiz», - dedi BUU bas hatshysy.
Ol sondaı-aq asharshylyqtyń taralýyna qatty alańdaıtynyn aıtty, óıtkeni Ýkraınadaǵy soǵys álemniń ártúrli bólikterindegi azyq-túlik qaýipsizdigine qaýip tóndirip jatyr, dep jazdy Reuters.


Basty sózder: BUU, Ýkraına, Álem,
Joǵary qaraı