Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimettiń ekonomıkalyq saıasaty halyqtyń ál-aýqatyn jaqsartýǵa baǵyttalady

2022 jyldyń 12 qańtar 2022 09:37

NUR-SULTAN. QazAqparat – Úkimettiń ekonomıkalyq saıasaty halyqtyń ál-aýqatyn jaqsartýǵa baǵyttalady. Bul týraly búgin Úkimet otyrysynda QR Premer-Mınıstriniń orynbasary – Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Úkimettiń ekonomıkalyq saıasaty, eń aldymen, halyqtyń ál-aýqatyn jaqsartýǵa jáne ómir súrý sapasyn arttyrýǵa baǵyttalatyn bolady. Ashyq ári teńdestirilgen prıntsıpke saı bıýdjet jáne fıskaldyq saıasat qalyptastyrylady. Salyqtyq-kedendik ákimshilendirýdiń batyl sharalary qosymsha tabys kózderin qamtamasyz etedi. Jeke sektordy ekonomıkalyq ósý draıveri retinde damytý maqsatynda básekelestikti damytý arqyly shaǵyn jáne orta bıznesti kúsheıtýge basa nazar aýdarylady», - dedi mınıstr.

Onyń atap ótýinshe, shaǵyn kásiporyndarǵa kórsetiletin memlekettik qoldaý sharalary tıimdi jáne qoljetimdi bolady.

«Memlekettiń ekonomıkadaǵy úlesi ony jekeshelendirý jáne básekeles ortaǵa berý arqyly qysqartylady. Memlekettik aktıvterdi basqarý tásilderi qaıta qaralady. Jalpy, qarjy-ekonomıkalyq blok boıynsha tolyqqandy pysyqtalǵan sharalar Úkimettiń jańa baǵdarlamasyn ázirleý barysynda usynylatyn bolady», - dedi Baqyt Sultanov.


Joǵary qaraı