Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Úkimette «Nur Otan» partııasynyń saılaýaldy baǵdarlamasyn iske asyrý jónindegi shtabtyń otyrysy ótti

2021 jyldyń 5 naýryz 2021 19:23

NUR-SULTAN. QazAqparat - Úkimette Premer-Mınıstrdiń birinshi orynbasary Álıhan Smaıylovtyń tóraǵalyǵymen «Nur Otan» partııasynyń «Ózgerister joly: ár azamatqa laıyqty ómir!» Saılaýaldy baǵdarlamasyn iske asyrý jónindegi shtabtyń kezekti otyrysy ótti, dep habarlaıdy QazAqparat primeminister.kz-ke silteme jasap.

Otyrystyń kún tártibinde JOO túlekteriniń jumysqa ornalasýy, jańa mektepter salý jáne bıznesti qoldaý máseleleri qaraldy. 2025 jylǵa qaraı elimizde 800 jańa mektep salynady, shaǵyn qalalardaǵy, oblys ortalyqtary men aýyldardaǵy taǵy 5000 mektep jańartylady. Barlyq aýyl mektepteri jyldamdyǵy joǵary ınternetpen qamtamasyz etiledi.

Premer-Mınıstrdiń birinshi orynbasary Á. Smaıylov apatty jáne úsh aýysymdy mektepter problemalaryn joıý úshin barlyq mehanızmderdi qoldaný qajet ekendigine nazar aýdardy. Atap aıtqanda, MJÁ tetigi, jekemenshik mektepter ashý, memlekettik bıýdjet jáne Jumyspen qamtýdyń jol kartasy esebinen nysanaly qurylys salý usynylady. Osy tarmaqtar boıynsha Bilim jáne ǵylym mınıstrligine nusqaý berildi.

Jumys tájirıbesi joq ýnıversıtet túlekterin jumysqa ornalastyrý máseleleri de shtabtyń basty nazarynda. Eńbek jáne halyqty áleýmettik qorǵaý mınıstrligi «Alǵashqy jumys orny» jobasyn iske qosady, jylyna orta eseppen 5000 adam qamtylmaq.

Á. Smaıylov bul tarmaqtardyń mańyzdylyǵyn atap ótip, qazirgi kezde jas mamandardyń ýnıversıtetti nemese kolledjdi bitirgennen keıin birden jumys taba almaıtynyn, jumys berýshilerdiń jumys tájirıbesi bar kadrlarǵa basymdyq beretinin basa aıtty. Eńbek jáne halyqty áleýmettik qorǵaý mınıstrligi NEET sanatyndaǵy jastar men jumyssyz jastardyń statıstıkasyn usyndy.

Vıtse-premer jergilikti atqarýshy organdarǵa jumyssyz jastardy jumyspen qamtý máselesin odan ári sheshý úshin olardyń sanyna taldaý usynýdy, sondaı-aq osy tarmaqty iske asyrý úshin jergilikti bıýdjetten qarajat bólýdi qamtamasyz etýdi tapsyrdy.

Sondaı-aq, shtabta jas kásipkerler úshin jańa bıznes-ıdeıalardy yntalandyrý máselesi qaraldy. Atap aıtqanda, shtab bul bıznesti qoldaýdyń tıimdi quraldarynyń biri ekenine senimdi. Tek 2020 jyldyń ózinde 45 myń grant bólindi, onyń ishinde 11 myń grantty jas kásipkerler aldy. 2025 jylǵa deıin jyl saıyn 10 myń grant bólinedi dep shamalanýda.

Á. Smaıylov sapaly bilim berý ınfraqurylymyn damytý halyqty jumyspen qamtylýyn qoldaý sııaqty mańyzdy másele ekenin atap aıtty.

Sonymen qatar Premer-Mınıstrdiń birinshi orynbasary partııanyń saılaýaldy baǵdarlamasynyń ýaqtyly jáne sapaly oryndalýyn qamtamasyz etý úshin barlyq deńgeıdegi atqarýshy organdardyń úılesimdi ózara árekettestigi qajet ekenin atap ótti. Osyndaı ózara árekettestikti uıymdastyrýdyń eń tıimdi ádisi - jobany basqarý. Osyǵan baılanysty QR Úkimeti ulttyq jobalardyń iske asyrylýyna monıtorıng júrgizý úshin arnaıy keńse qurdy.


Basty sózder: Nur Otan partııasy, QR Úkimeti,
Joǵary qaraı