Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Úkimet Memleket basshysynyń tapsyrmalaryn qalaı iske asyrýda

2022 jyldyń 25 qańtar 2022 12:55

NUR-SULTAN. QazAqparat – QR Úkimeti Prezıdent Qasym-Jomart Toqaevtyń tártipsizdikter saldaryn joıý jáne eldi ári qaraı áleýmettik-ekonomıkalyq damytý jónindegi tapsyrmalaryn iske asyrý boıynsha jumys júrgizýde, dep habarlaıdy QazAqparat primeminister.kz saıtyna silteme jasap.

Bıylǵy 5 qańtarda turǵyndar úshin kommýnaldyq qyzmetterdiń (jylýmen jabdyqtaý, sýmen jabdyqtaý, sý tartý, elektrmen jabdyqtaý, gazben jabdyqtaý) tarıfteri men baǵalaryn ósirýge 180 kúnge moratorıı engizildi.

«Qazaqstan halqyna» qoǵamdyq áleýmettik qory (QÁQ) quryldy, qazirdiń ózinde bıznes sýbektileri oǵan 20 mlrd teńgeden astam qarjy aýdardy.

Áleýmettik-ekonomıkalyq jaǵdaıdy turaqtandyrý jónindegi jedel is-qımyl josparyn iske asyrý bastaldy.

Іshki ister organdarynyń bólimshelerin materıaldyq-tehnıkalyq qamtamasyz etýdi nyǵaıtý úshin ІІM-ge qajetti qarajat bólindi. Tártipsizdikter kezinde qyzmettik avtokólikteri joıylǵan óńirlerdegi polıtsııa departamentterine 457 patrýldik avtomobıl men 70 avtobýs jetkizildi.

Jappaı tártipsizdikterden zardap shekken azamattar men zańdy tulǵalarǵa bank aldyndaǵy qaryzdary men mıkrokredıtterin óteý merzimin keıinge shegerý múmkindigi berildi.

Bızneske júktemeni tómendetý úshin memlekettik kirister organdarynyń bastamasy boıynsha bastalǵan salyqtyq jáne kedendik tekserýler, sondaı-aq kameraldyq baqylaý boıynsha habarlamalar berý toqtatyldy.

Úkimettik komıssııa ShOB sýbektilerine tártipsizdik kezinde keltirilgen zalaldy óteý tetigin bekitti. Jaqynda Úkimet rezerviniń qarajaty esebinen kásipkerlerge jyljymaıtyn, jyljymaly múlik boıynsha, sondaı-aq joǵalǵan (urlanǵan) taýarlyq-materıaldyq qundylyqtar boıynsha keltirilgen zalaldy óteý bastalady.

Úkimet «Jasyl damý» memlekettik kompanııasyn ýtılızatsııalyq tólemderdi jınaý operatory retinde belgiledi, onyń 100% aktsııasy memleketke tıesili. «ÓKM Operatory» JShS-nyń buǵan deıin jınalǵan qarajaty memleket menshigine ótti. Ýtılızatsııalyq tólemderdiń mólsherlemeleri men paıdalaný tetikteri boıynsha usynystar ázirleý úshin azamattyq jáne bıznes qoǵamdastyqtyń qatysýymen alań quryldy.

Halyqtyń áleýmettik osal toptaryn qoldaý maqsatynda azamattardyń jekelegen sanattaryna qaıtalama turǵyn úıdi jalǵa alǵany úshin tólem taǵaıyndaý jáne ony júzege asyrý qaǵıdalary ázirlendi.

Azamattarǵa zardap shekkender men habar-osharsyz ketkender týraly aqparat berý úshin 1414 call-ortalyǵynyń bazasynda táýlik boıy jumys isteıtin tikeleı jeli ashyldy. Azamattarǵa keńes berý úshin 150 operator tartylyp, 200 myńnan asa qońyraý qabyldandy.

Kommýnaldyq qyzmetter, qoǵamdyq kólik jáne áleýmettik ınfraqurylym nysandarynyń jumysy turaqtaldy.

Qarjy júıesiniń, saýda nysandarynyń, kólik tasymaldary men qatynastarynyń barlyq túriniń turaqty jumysy qamtamasyz etildi.

Úkimet elektrondyq saýda alańyndaǵy gaz saýdasyn 2023 jylǵy 1 qańtarǵa deıin shegerdi. Sonymen qosa, Energetıka mınıstrligi naryq qatysýshylarymen birlesip, baǵanyń negizsiz ósýine jol bermeý jáne ashyqtyǵyn qamtamasyz etý maqsatynda elektrondyq alańda suıytylǵan munaı gazyn satý tetigin jetildirý jumysyn bastady.

Úkimet Memleket basshysynyń jańa Qazaqstandy qurýǵa jáne áleýmettik-ekonomıkalyq ósýdi ári qaraı qamtamasyz etýge baǵyttalǵan tapsyrmalaryn jedel ári sapaly oryndaý boıynsha sharalardy qabyldaýdy jalǵastyrady.


Joǵary qaraı