Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Úkimet basshysy áleýmettik taýarlar baǵasynyń ósýin aýyzdyqtaýdy tapsyrdy

2021 jyldyń 12 qazan 2021 09:37

NUR-SULTAN. QazAqparat – QR Premer-Mınıstri Asqar Mamın memlekettik organdardyń birinshi basshylary men ákimderge áleýmettik mańyzy bar taýar baǵasynyń ósýin tejeý jumystaryn kúsheıtýdi tapsyrdy, dep habarlaıdy QazAqparat tilshisi.

«Ekonomıkanyń 6 negizgi kórsetkishi boıynsha ósim jeti óńirde baıqalady. Bul - Atyraý, Qaraǵandy, Qyzylorda, Pavlodar, Soltústik Qazaqstan jáne Túrkistan oblystary men Nur-Sultan qalasy.

5 kórsetkish boıynsha oń dınamıka tórt óńirde - Aqtóbe, Mańǵystaý, Shyǵys Qazaqstan oblystary jáne Almaty qalasynda baıqaldy», - degen Úkimet basshysy, eń tómen kórsetkish Batys Qazaqstan oblysynda ekenin atap ótti.

«Elde ınflıatsııa ósip jatyr, tamyzda ol 8,7 paıyz bolsa, qyrkúıekte 8,9 paıyz boldy. Inflıatsııanyń ósýine azyq-túlik taýarlary baǵasynyń qymbattaýy eń kóp áser etti.




Bir apta ishinde áleýmettik mańyzy bar taýarlar baǵasynyń qymbattaýy 0,2 paıyzdy qurady. Baǵalar Nur-Sultanda, Mańǵystaý jáne Aqtóbe oblystarynda eleýli artty. Memlekettik organdardyń birinshi basshylary men ákimder ekonomıka sektorlarynda ósý qarqynyn ulǵaıtý, ınvestıtsııalar tartý, jumys oryndaryn qurý jáne áleýmettik mańyzy bar taýarlardyń baǵalaryn ósýin tejeý boıynsha jumysty kúsheıtýi qajet. Sonymen qatar, bıýdjet qarajatynyń ýaqytyly ıgerilýin qamtamasyz etýdi tapsyramyn», - dedi Asqar Mamın.


Joǵary qaraı