Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Konferentsııa lıgasynda «Tobyl» Horvatııanyń «Haıdýk» klýbynan jeńilip qaldy

2021 jyldyń 23 shilde 2021 03:01

NUR-SULTAN. QazAqparat - UEFA Konferentsııa lıgasynyń ekinshi irikteý satysyndaǵy alǵashqy kezdesýde Qostanaıdyń «Tobyly» Horvatııanyń «Haıdýk» klýbynan jeńilip qaldy, dep habarlaıdy QazAqparat tilshisi.

«Háıdýk» 1911 jyly qurylǵan. ıÝgoslavııa jáne Horvatııa chempıonattarynda 15 márte altynnan alqa taqty.

Sondaı-aq, atalǵan chempıonattarda 23 márte kúmis, 12 márte qola júlde aldy.

Búgingi kezdesýde birinshi kezeńde eki komanda terezesi teń deńgeıde oıyn kórsetken edi.

Dese de, 21-mınýtta alań ıeleri sapynan Marın Lıýbıchıch ózine berilgen múmkindikti múlt jibergen joq.

Ekinshi kezeńde horvatııalyq klýb kóbirek shabýylǵa shyqty. Qazaqstandyq klýb negizinen qorǵanysta oınady. Al 53-mınýtta Marın Lıýbıchıch esepti ulǵaıtty.

«Tobyl» qarsylasynan 0:2 esebimen jeńildi.

Endi qarymta oıyn 29 shilde kúni Qostanaıda ótkiziledi.

Aıta keteıik, 2014/15 jylǵy kezeńde Eýropa lıgasy úshinshi irikteý satysynda «Haıdýk» Qaraǵandynyń «Shahterin» orta jolda qaldyryp (3:0, 2:4) ketken edi.

Eske salsaq, budan buryn elordada «Astana» grekııalyq «Arıs» komandasynan 2:0 esebimen basym tústi.

Odan keıin Qaraǵandynyń «Shahteri» syrt alańda rýmynııalyq FKSB klýbyna 0:1 esebimen ese jiberdi.

Sondaı-aq, 21 shildede UEFA Chempıondar lıgasy ekinshi irikteý satysynda almatylyq «Qaırat» Serbııanyń «Tsrvena Zvezda» klýbyn 2:1 esebimen jeńgen edi.


Avtor Ádiljan Úmbet
Basty sózder: Sport, Fýtbol,
Joǵary qaraı