Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Konferentsııa lıgasy: «Qaırat» «Omonııamen» teń tústi

2021 jyldyń 16 qyrkúıek 2021 22:38

NUR-SULTAN. QazAqparat - Búgin fýtboldan UEFA Konferentsııa lıgasy toptyq kezeńiniń birinshi týrynda qazaqstandyq «Qaırat» alǵashqy oıynyn Kıprdiń «Omonııa» komandasyna qarsy ótkizdi, dep habarlaıdy QazAqparat tilshisi.

Búgingi oıynda eki komanda da jeńiske jetý jolyn izdedi. Alań ıeleri tarapynan basymdyq baıqalyp turdy. Dese de almatylyq komanda oıynshylary kózdegen nysadan múlt jiberip jatty.

Ekinshi kezeńde de oıyn osylaısha órbidi. Degenmen tablodaǵy esep ózgerissiz qaldy.

Kezdesý 0:0 esebimen teń aıaqtaldy.

Sondaı-aq, búgin atalǵan topta «Karabah» (Ázerbaıjan) jáne «Bazel» (Shveıtsarııa) komandalary tartysqa túsedi.

Endi «Qaırat» kelesi oıynyn 30 qyrkúıekte Shveıtsarııanyń «Bazel» komandasymen sheberlik baıqasady.

Eske salsaq, «Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.




«Qaırat» bıyl eýrokýbok oıyndaryn Chempıondar lıgasynyń birinshi irikteý satysynan bastady. Aldymen Izraıldiń «Makkabı Haıfa» (1:1, 2:0) jeńip, odan keıin Serbııanyń «Tsrvena Zvezda» komandasyna (2:1, 0:5) jol berdi.

Al Eýropa lıgasy úshinshi irikteý satysynda Armenııanyń «Alashkertinen» (0:0, 2:3) jeńildi.

Konferentsııa lıgasy pleı-off satysynda Lıýksembýrgtiń «Fola» klýbynyń (4:1, 3:1) osal tusyn tapty.


Foto: facebook.com/fckairat


Avtor Ádiljan Úmbet
Basty sózder: Sport,
Joǵary qaraı