Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Konferentsııa lıgasy: «Qaırat» alǵashqy oıynynda «Omonııany» qabyldaıdy

2021 jyldyń 16 qyrkúıek 2021 13:03

NUR-SULTAN. QazAqparat - Búgin fýtboldan UEFA Konferentsııa lıgasy toptyq kezeńiniń birinshi týrynda qazaqstandyq «Qaırat» alǵashqy oıynyn Kıprdiń «Omonııa» komandasyna qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 20.30-da bastalyp, «Qazsport» telearnasynan tikeleı efırde kórsetiledi.

Aıta keteıik, atalǵan týrnır bıyl tuńǵysh ret ótkiziledi. Onda barlyǵy 32 komanda segiz topqa bólingen.

«Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.

«Qaırat» bıyl eýrokýbok oıyndaryn Chempıondar lıgasynyń birinshi irikteý satysynan bastady. Aldymen Izraıldiń «Makkabı Haıfa» (1:1, 2:0) jeńip, odan keıin Serbııanyń «Tsrvena Zvezda» komandasyna (2:1, 0:5) jol berdi.

Al Eýropa lıgasy úshinshi irikteý satysynda Armenııanyń «Alashkertinen» (0:0, 2:3) jeńildi.

Konferentsııa lıgasy pleı-off satysynda Lıýksembýrgtiń «Fola» klýbynyń (4:1, 3:1) osal tusyn tapty.

«Omonııa» 1948 jyly qurylǵan. Óziniń elinde 21 márte chempıon atandy.

Bıyl eýrokýbok oıyndaryn Chempıondar lıgasy ekinshi irikteý satysynan bastap Horvatııanyń «Dınamo Zagreb» komandasyna (0:2, 0:1) jol berdi.

Odan Eýropa lıgasy úshinshi irikteý satysynda Estonııanyń «Florasynan» (1:0, 1:2, penaltıden 2:1) basym túsip, pleı-offta Belgııanyń «Antverpen» (4:2, 0:2, penaltıden 0:2) jeńilip qaldy.

Osylaısha Konferentsııa lıgasy toptyq kezeńinde synǵa túsýge múmkindik aldy.

Aıta ketsek, «Omonııa» 1965/66 jylǵy kezeńnen beri eýrokýbok oıyndaryna qatysyp keledi.

2003-2004 jylǵy kezeńde Chempıondar lıgasy birinshi irikteý satysynda Qazaqstannyń «Ertisin» (0:0, 2:1) orta jolda qaldyryp ketti.

Sondaı-aq, búgin Eýropa lıgasy toptyq kezeńiniń oıyndary bastalady.


Avtor Ádiljan Úmbet
Basty sózder: Sport, Fýtbol,
Joǵary qaraı