Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Chempıondar lıgasy: «Qaırat» qarsylasynan oısyraı jeńildi

2021 jyldyń 29 shilde 2021 02:37

NUR-SULTAN. QazAqparat - UEFA Chempıondar lıgasy ekinshi irikteý satysynda Almatynyń «Qaıraty» syrt alańda Serbııanyń «Tsrvena Zvezda» komandasymen qarymta oıynda jeńilip qaldy, dep habarlaıdy QazAqparat tilshisi.

Bıylǵy alǵashqy kezdesýde almatylyq klýb atalǵan qarsylasynan 2:1 esebimen basym túsken edi.

Almatylyq komanda birinshi irikteý satysynda Izraıldiń «Makkabı» (Haıfa) komandasyn (2:0, 1:1) orta jolda qaldyryp ketti. Al «Tsrvena Zvezda» ekinshi irikteý satysyna joldama alǵan.

Búgingi kezdesýde serbııalyq fýtbolshylar sátti oıyn kórsetti. Birinshi kezeńniń ózinde olardyń qatarynan Aleksandar Kataı 9, 42, Lýa Donı 21-mınýttarda mergendik tanytty.

Ekinshi kezeńde serbııalyq komanda basymdyǵyn arttyra tústi. Aldymen Mırko Ivanıch 49-mınýtta esepti ústemeleı tússe, Fılıppo Falko 56-mınýtta qaqpany dál kózdedi.

Osylaısha «Qaırat» qarsylasynan 0:5 esebimen jeńildi. Serbııalyq klýb jarysty jalǵastyrady.

«Qaırat» endi 5 tamyzda Eýropa lıgasy úshinshi irikteý satysynda Armenııanyń «Alashkert» klýbymen synǵa túsedi

Al «Tsrvena Zvezda» úshinshi irikteý satysynda Moldovanyń «Sherıf» komandasymen sheberlik baıqasady.


Avtor Ádiljan Úmbet
Basty sózder: Fýtbol, Sport,
Joǵary qaraı