Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UEFA Chempıondar lıgasy: Birinshi kezeńnen keıin «Qaırat» qarsylasyn jeńip jatyr

2021 jyldyń 21 shilde 2021 21:05

NUR-SULTAN. QazAqparat - Búgin, 21 shildede UEFA Chempıondar lıgasy ekinshi irikteý satysyndaǵy Almatynyń «Qaıraty» men Serbııanyń «Tsrvena Zvezda» komandasymen alǵashqy oıynynyń birinshi kezeńi aıaqtaldy, dep habarlaıdy QazAqparat tilshisi.

Birinshi kezeńde qazaqstandyq klýbtyń basymdyǵy baıqalyp turdy. Tizgindi óz qolynda ustaýǵa tyrysty. Nátıjesinde qarsylastar qaqpasynda jıi boı kórsetti.

Oıynnyń 24-mınýtynda «Qaırat» shabýylshysy Hose Kante buryshtamadan áýelete tepken dopty baspen qaqpaǵa soǵyp ketti. Budan keıin eki komanda tarapynan esepti ózgertetin birneshe múmkindik bolǵan edi.

Serbııalyq klýb 1945 jyldyń 4 naýryzynda qurylǵan. Serbııanyń 8 márte chempıony atanǵan. Sondaı-aq, 7 márte kúmis, 1 márte qola júldeger atandy. Keıingi tórt jylda qatarynan chempıon ataǵyna qol jetkizip keledi.

«Qaırat» «Tsrvena Zvezda» klýbynan qos oıynnyń nátıjesinde jeńgen jaǵdaıda jarystyń úshinshi satysynda «Alashkert» (Armenııa) jáne «Sherıf» (Moldova) jubynyń jeńimpazymen kezdesedi.


Avtor Ádiljan Úmbet
Basty sózder: Sport, Fýtbol,
Joǵary qaraı