Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ýchastkelik ınspektorlarǵa qandaı jańa mindetter júktelgen

2021 jyldyń 29 qarasha 2021 13:21

NUR-SULTAN. QazAqparat –QR ІІM Ákimshilik polıtsııa komıtetiń profılaktıkalyq qyzmet basqarmasynyń bastyǵy Jasulan Baıkenov ýchastkelik ınspektorlarlarǵa qandaı jańa mindetter júktelgenin atady, dep habarlaıdy QazAqparat tilshisi.

«Memleket basshysy Joldaýynda atap ótkendeı, ulttyq polıtsııanyń servıstik modeli - ýchaskelik qyzmetkerlerdiń negizgi elementi bolýǵa tıis. Olar jergilikti turǵyndardyń problemalaryn sheshýge, qylmystardyń jolyn kesýge mindetti. Qazirgi tańda ýchaskelik polıtsııa ınspektorlarynyń ınstıtýty ishki ister organdarynyń júıesinde erekshe kóp fýnktsıonaldy sanalady. Azamattardyń quqyǵyn qorǵaý, otbasy-turmystyq qatynastar, qoǵamdyq tártipti jáne jol qaýipsizdigin qamtamasyz etý, qorshaǵan ortany qorǵaý, aýmaqtardy abattandyrý jáne taǵy basqa máselelerdi sheshýge qatysady. Óziniń atynan ákimshilik quqyq buzýshylyqtar», - dedi ol ІІM baspasóz alańynda ótken brıfıngte.

Onyń atap ótýinshe, ınspektorlar 47 quramy boıynsha jazalaý túrlerin qaraıdy jáne jaza qoldanady. Olar belgilenbegen oryndarda saýda jasaý (204-bap), aýyl sharýashylyǵy janýarlaryn jaıý erejelerin, ıtter men mysyqtardy asyraý jáne serýendetý erejelerin buzý (408-bap), temeki ónimderin tutynýǵa tyıym salýdy buzý (441-bap), qalalar men eldi mekenderdiń aýmaqtaryn abattandyrý erejelerin buzý (505-bap), sondaı-aq ÁQBtK 685-babynyń 1-bóliginde kózdelgen basqa da birqatar quqyq buzýshylyqtardy qaraıdy. Sonymen qatar, zańnamada belgilengen merzimde esep beretin adamdardy turǵylyqty jeri boıynsha tekserý arqyly jazanyń jekelegen túrleriniń oryndalýyn baqylaýdy qamtamasyz etedi.

«Ýchaskelik ınspektor otbasylyq janjalqorlardyń, maskúnemderdiń esirtki qumarlardyń, buryn sotty bolǵandardyń ómir súrý salty men is-áreketterin únemi baqylaıdy. Densaýlyq saqtaý organdarynda olardyń keıbirin májbúrlep emdeýge kómek kórsetedi. Jalpy alǵanda, ýchaskelik qyzmetkerler – quqyq buzýshylyqtyń ortaq profılaktıkasy júıesinde negizgi býyny», - dedi Jasulan Baıkenov.


Joǵary qaraı