Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ýchaskelik dárigerlerge KVI aýrýlaryn úıde emdegeni úshin 3 jalaqy kóleminde ústemeaqy tólenedi

2022 jyldyń 18 qańtar 2022 09:44

NUR-SULTAN. QazAqparat – Ýchaskelik medıtsına qyzmetkerlerine KVI aýrýlaryn úıde emdegeni úshin 3 bazalyq laýazymdyq jalaqy mólsherinde qosymsha aqy tólenedi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Ambýlatorııalyq naýqastardyń sanynyń óskenin eskere otyryp, Densaýlyq saqtaý mınıstrligi óńirlerdiń jergilikti atqarýshy organdarymen birlesip, medıtsınalyq-sanıtarııalyq alǵashqy kómekdeńgeıinde ýaqtyly medıtsınalyq kómekti nyǵaıtý jáne uıymdastyrý boıynsha is-sharalar qabyldaýda», - dedi ol.

Mınıstrdiń dereginshe, qazirgi ýaqytta elimiz boıynsha 3 054 mobıldi dárigerlik brıgada jumys isteıdi, rezervte 1 622 brıgada bar. KVI-men aýyratyn naýqastardy ambýlatorııalyq emdeýge ýchaskelik medıtsına qyzmetkerleri keńinen tartylýda.

Shuǵyl medıtsınalyq kómekti 1 486 jedel medıtsınalyq járdem brıgadasy kórsetedi, rezervte 150-i jasaqtalǵan.

Qazir KVI kezinde medıtsınalyq kómek kórsetýge barlyǵy 40 myńǵa jýyq medıtsına qyzmetkeri tartylǵan.

Rezervte 4 556 medıtsınalyq qyzmetker bar, onyń 1217-i - dáriger.

«Medıtsınalyq-sanıtarııalyq alǵashqy kómek uıymdary qyzmetkerleriniń jumysyn yntalandyrý maqsatynda mobıldi brıgadalardyń qaıta shyǵýyn, Mindetti áleýmettik medıtsınalyq saqtandyrý arqyly úıdegi statsıonarlardy keńeıtý jáne belsendi ashýǵa qosymsha aqy tóleý boıynsha is-sharalar qabyldandy. Sondaı-aq, ýchaskelik medıtsına qyzmetkerlerine KVI aýrýlaryn úıde emdegen úshin 3 bazalyq laýazymdyq jalaqy mólsherinde qosymsha aqy kózdelgen», - dedi Ajar Ǵınııat.


Joǵary qaraı