Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UBT: Petropavlda 6 oqýshynyń test nátıjesi jaramsyz dep tanyldy

2021 jyldyń 14 sáýir 2021 00:14

PETROPAVL. QazAqparat – Soltústik Qazaqstan oblysynda ulttyq biryńǵaı testileýdiń ekinshi kezeńi aıaqtalyp, Petropavlda 6 oqýshynyń test nátıjesiniń kúshi joıyldy, dep habarlaıdy QazAqparat tilshisi.

SQO boıynsha bilim berý salasynda sapany qamtamasyz etý departamentiniń málimetinshe, UBT-nyń ekinshi kezeńi alǵash ret «1 test tapsyrýshy – 1 kompıýter – 1 kamera» qaǵıdasy boıynsha elektrondyq formatta uıymdastyryldy. Qajetti orynmen «U-Future» JShS qamtamasyz etti. SQO-da osyndaı úsh pýnkt jaraqtandyrylǵan. Olar: Petropavlda, Novoıshımka jáne Taıynsha eldimekenderinde ornalasqan. Test tapsyrýshylar synaqtan ótý oryny men ýaqytyn ózderi tańdady.

«Bizdiń departamenttiń qyzmetkerleri Petropavldaǵy pýnktte bolyp, UBT-ǵa baqylaýshy retinde qatysty. Munda 27 kúnniń ishinde 1332 adam testileýden ótti. Solardyń altaýy emtıhanǵa tyıym salynǵan zattardy alyp kirgen. Saldarynan bul balalardyń test nátıjesiniń kúshi joıyldy», - deıdi SQO boıynsha bilim berý salasynda sapany qamtamasyz etý departamentiniń jetekshisi Aınagúl Suraǵanova.

Bul joly UBT-dan ótkender testtiń nátıjesimen joǵary oqý oryndaryna aqyly bólimge túse alady.

«15 sáýir men 30 maýsym aralyǵynda UBT-nyń kelesi kezeńi bastalady. Bul joly test tapsyrýshylardyń eki ret árekettenýge múmkindikteri bar. ıAǵnı eki ret tapsyryp, sonyń úzdik nátıjesimen bilim grantyn alýǵa baıqaýǵa qatysa alady», - deıdi Aınagúl Suraǵanova.


Joǵary qaraı