Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

UBT-da erekshe qajettiligi bar balalarǵa qosymsha ýaqyt beriledi

2022 jyldyń 17 mamyr 2022 12:40

NUR-SULTAN. QazAqparat – Bıyl ulttyq biryńǵaı testileý kezinde erekshe qajettiligi bar mektep túlekterine qosymsha 40 mınýt ýaqyt beriledi. Bul týraly Ulttyq testileý ortalyǵynyń dırektory Rýslan Emelbaev málim etti, dep habarlaıdy QazAqparat tilshisi.

«Bıyl UBT tapsyrýda talapkerlerge eki múmkindik berilip otyr. Negizgi UBT-ǵa tirkelý 28 sáýir men 14 mamyr aralyǵynda ótti. Bıylǵy talapkerler men byltyr bitirgen talapkerler UBT-ny bólek tapsyrady. Synaq kúnine 2 ret ótedi, ıaǵnı túske deıin jáne tústen keıin. Sonymen qatar bıyl UBT tapsyrýda erekshe qajettiligi bar oqýshylarǵa birneshe jeńildik qarastyrylyp otyr. Atap aıtqanda, erekshe balalar tirkelý kezinde qandaı jaǵdaıdyń bolý kerektigin kórsete alady. Al biz tirkelýge saı qaısy ortalyqta, qaı kúni qandaı erekshe bala test tapsyratynyn bilip, qajetti jaǵdaıdy jasaımyz», - dedi Rýslan Emelbaev Bilim jáne ǵylym mınıstrliginde ótken apparat jıynynda.

Onyń aıtýynsha, bıyl ulttyq biryńǵaı testileý 37 kún boıy ótedi. El aýmaǵynda 43 testileý beketi jumys isteıdi.

«Erekshe talapkerlerge negizgi ýaqyttan (240 mınýt) bólek qosymsha 40 mınýt ýaqyt beriledi. Eń bastysy test tapsyrmalary erekshe balalardyń qajettiligin eskere otyryp ázirlendi. Bıyl negizgi UBT tapsyratyn talapkerlerdiń sany 281 myńnan asyp otyr. Olardyń deni bıylǵy túlekter», - deıdi ol.


Joǵary qaraı