Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

UBT alǵashqy aptasynda 43 talapker tyıym salynǵan zattardy qoldanbaq boldy

2022 jyldyń 29 mamyr 2022 17:54

NUR-SULTAN. QazAqparat - UBT-ny ońaı tapsyrǵysy keletin talapkerlerdiń jıi paıdalanatyn quraldary - uıaly telefon, jasyryn kamera, mıkroqulaqqap, qaǵaz shpargalka, dep habarlaıdy QazAqparat.

Testke kirgizýge tyıym salynǵan zattar jaıynda Ulttyq testileý ortalyǵynyń dırektory Rýslan Emelbaev aıtyp berdi.

«Bıyl 18-shi ret ótip jatqan UBT-nyń alǵashqy aptasynda 22 talapker testileýge kirgizý kezinde, al 21 talapker testileý barysynda tyıym salynǵan zattardy qoldanýǵa tyrysqan. Olar sol úshin test tapsyrý múmkindiginen aıyryldy. Al UBT-ny kóshirýdiń osy aptadaǵy eń «shyǵarmashylyq tásili» mynadaı: t apqyr testilenýshimiz ózimen birge alyp kirgen dárýmenniń syrtyna test suraqtaryn jazyp, aýdıtorııadan shyǵarýǵa talpynǵan. Onyń bul áreketi bizdiń qyraǵy baqylaýshylardyń arqasynda júzege aspady. Sebebi testileýdiń búkil protsesi olardyń tolyq nazarynda. Sondyqtan test tapsyrmasyn ne olardyń úzindisin aýdıtorııadan shyǵaramyn dep úmittenbeńiz», - dep jazdy ortalyq dırektory Instagram paraqshasynda.

Onyń aıtýynsha, eńbek árqashan aqtalady.

«UBT-ǵa jaqsylap daıyndalyp, tek óz bilimińizge senseńiz, sizdi bolashaq jarqyn ómirińizde jaqsy marapat kútedi. Sebebi bilim – eń mańyzdy aspap» deıdi Rýslan Emelbaev.


Joǵary qaraı