Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

UBT-2021: 21 test suraǵy qate qurastyrylǵany anyqtaldy

2021 jyldyń 11 mamyr 2021 14:22

NUR-SULTAN. QazAqparat – Bıylǵy Ulttyq biryńǵaı testileýde Qazaqstan tarıhy men Dúnıejúzi tarıhy boıynsha naqty datalarǵa qatysty ǵana suraqtar bolady. Bul jaıynda Ulttyq testileý ortalyǵynyń dırektory Dıdar Smaǵulov Facebook-tegi paraqshasynda jazdy, dep habarlaıdy QazAqparat tilshisi.

«Mınıstrdiń tapsyrmasymen tájirıbesi, jetistikteri men kásibıligi turǵysynan ázirleýshilerge qoıylatyn talaptar kúsheıtildi. Ár test tapsyrmasynyń sapasy boıynsha kelisimshartta qosymsha jaýapkershilik engizilip, josyqsyz ázirleýshilerdiń tizimi (qara tizimge) qurastyryldy. ıAǵnı ol tizimge kirý – Ulttyq testileý ortalyǵy jumysyna qatysýdyń kez-kelgen múmkindigin joıady. Sondaı-aq, biz ortalyqtyń ishinde de tıisti jumysty júrgizdik. Testologııa boıynsha birneshe oqytý kýrstaryn ótkizip, sarapshylardyń laýazymdyq nusqaýlyqtarynda ár testiniń sapasyna qatysty jaýapkershilikti arttyrdyq. Sonymen qatar testileýdi ázirleýde ortalyq qyzmetkerleriniń týystarynyń qatysýyna tyıym saldyq», - dedi ol.

Ortalyq dırektorynyń atap ótýinshe, atalǵan jumystardyń qazirdiń ózinde naqty nátıjesi bar. Máselen 2018 jyly apellıatsııa qorytyndysy boıynsha - 101, 2019 jyly - 58, 2020 jyly – 27 test tapsyrmasy qate bolǵany anyqtalǵan. Al 2021 jylǵy naýryz aıyndaǵy UBT nátıjeleri boıynsha apellıatsııada tek 21 test tapsyrmasy qanaǵattandyryldy.

«Onyń ústine jyldan-jylǵa «este saqtaýdy jattyqtyrýǵa» baǵyttalǵan tapsyrmalardy azaıtyp, fýnktsıonaldyq saýattylyqqa, ıaǵnı alǵan bilimdi is júzinde qoldana bilýge basymdyq berýdemiz. Qazirdiń ózinde mundaı tapsyrmalardyń 70 paıyzdan astamy daıyn. Al osy jyldyń jańalyǵy - Qazaqstan tarıhy men Dúnıejúzi tarıhy boıynsha naqty datalardyń jarııalanýy. Tek osy datalardan ǵana sandarǵa baılanysty suraqtar kezdesedi. Olardyń jalpy sany ár testilenýshige tek 2-eý-3-ýi ǵana keletindeı etip qysqarttyq. UBT- bul jattap alý degen sóz emes!», - dedi Dıdar Smaǵulov.


Joǵary qaraı