Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

TJD ókili 12 jastaǵy balanyń sýǵa ketýine qatysty pikir bildirdi

2021 jyldyń 3 tamyz 2021 15:12

NUR-SULTAN. QazAqparat – Nur-Sultan qalasy Tótenshe jaǵdaılar departamenti Azamattyq qorǵaý basqarma bastyǵy Rátbek Demeýbergen 30 shildede 12 jastaǵy balanyń ólimimen aıaqtalǵan qaıǵyly oqıǵa týraly málimet berdi, dep habarlaıdy QazAqparat tilshisi.

«Sońǵy sýǵa batý oqıǵasy 30 shildede tirkeldi. Úsh kún buryn Saraıshyq kóshesi mańynda, «Trıatlon parki» aýdanyndaǵy kópirdiń astynda sýǵa shomylyp júrgen 2009 jylǵy bala sýǵa batyp ketti. Ol jerge bizdiń tótenshe jaǵdaı qyzmetiniń ókilderi sýǵa shomylýǵa bolmaıtyny týraly belgi qoıǵanyn aıtý kerek. 12 jastaǵy jasóspirim oǵan mán bermeı, arty qaıǵyly aıaqtalyp otyr. Sondyqtan qala turǵyndary men qonaqtaryn balalardy óz betimen shomylýǵa jibermeýge shaqyramyz», - dedi Rátbek Demeýbergen ákimdiktiń aqparat alańynda.

Onyń aıtýynsha, maýsym bastalǵannan beri sýǵa shomylý erejesn saqtamaǵan adamdardyń ústinen 285 aıyppul paraǵy toltyrylǵan.

«Búgingi kúni shomylý qaýipsizdigi men erejesin saqtamaǵan adamdardyń ústinen 285 ákimshilik hattama toltyryldy. Hattamany ishki ister organynyń qyzmetkerleri toltyrady. Ákimshilik quqyq buzý týraly kodekstiń 364-baby boıynsha 223, 440-baby boıynsha 62 ákimshilik aıyppul salyndy», - degen TJD ókili.


Joǵary qaraı