Aýa raıy
Astana 17 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

TJ rejımi kezinde shyǵynǵa batqan kásipkerlerge memleket qandaı kómek kórsetedi

2020 jyldyń 23 maýsym 2020 11:35

NUR-SULTAN. QazAqparat – QR Qarjy naryǵyn retteý jáne damytý agenttiginiń tóraǵasy Madına Ábilqasymova TJ rejımi saldaryn kórip otyrǵan shaǵyn jáne orta bıznes sýbektilerine qandaı kómek kórsetiletinin aıtyp berdi, dep habarlaıdy QazAqparat tilshisi.

«Tótenshe jaǵdaıdy engizý kezinde zardap shekken negizgi 12 sala jáne 346 ekonomıkalyq qyzmet túri anyqtaldy. Shaǵyn jáne orta bıznes sýbektileriniń qaıta qurylymdalǵan jalpy sanynyń 34 paıyzy saýdaǵa, 15 paıyzy sulýlyq salndary men hımııalyq tazalaýǵa, shashtaraz qyzmetterine, 5 paıyzy kólikke, 4 paıyzy qoǵamdyq tamaqtanýǵa, 4 paıyzy týrızm salasyna jatady. Tótenshe jaǵdaı rejıminiń aıaqtalýyna qaramastan shaǵyn jáne orta bıznes kásiporyndarynyń qyzmetin qaıta qurý – birqalypty bolmaı jatyr. Taýarlar men qyzmetterge suranys kólemi qysqaryp, aınalym men túsim azaıdy. Osynyń saldarynan alynǵan nesıeler boıynsha mindettemelerdi oryndaý múmkindigi tómendedi», - dedi Madına Ábilqasymova Úkimet otyrysynda.

Onyń aıtýynsha osyǵan oraı agenttik ekinshi deńgeıli banktermen jáne Qazaqstan qarjygerleriniń qaýymdastyǵymen birlesip, ShOB sýbektilerine qoldaý kórsetýdiń qosymsha sharalaryn iske asyra bastaǵan.

«2020 jyldyń 15 maýsymynda ShOB sýbektilerine qosymsha qoldaý sharalaryn kórsetý tártibi bekitildi. 2020 jyldyń 16 maýsym men 15 qyrkúıek aralyǵynda ShOB sýbektisi qosymsha qoldaý sharalaryn alý týraly bankke nemese mıkroqarjylyq uıymdarǵa ótinish jasaýǵa quqyly. Nesıelik uıym árbir kásipker boıynsha onyń qarjylyq jaǵdaıyn, tótenshe jaǵdaı men karantınniń qarjysyna áserin jáne qarjylyq jaǵdaıyn qaıta qurýdyń perspektıvasyn jeke baǵalaıdy», - dedi ol.

ShOB sýbektileriniń qarjylyq jaǵdaıy nasharlaǵan kezde nesıelik uıymdar qoldaýdyń eki baǵytyn usynady. Birinshisi - bul ýaqytsha qarjylyq qıyndyqqa tap bolǵan qaryz alýshylardyń nesıe boıynsha tólemderin keıinge qaldyrý. Bul shara bıznestiń borysh júktemesiniń aıtarlyqtaı ósýine aparyp soqpaıdy. Ekinshisi - nesıeni jeńildik berilgen talaptarmen kásipkerlik sýbektilerine qoldaý kórsetýdiń memlekettik baǵdarlamalary sheńberinde qaıta qarjylandyrý. Bul múmkindikti barlyq ShOB sýbektileri, onyń ishinde tóleý merzimi shegerilgen sýbektiler paıdalana alady.

«Aınalym kapıtalyn tolyqtyrý úshin ShOB sýbektileri jeńildikpen nesıeleý baǵdarlamasy boıynsha nesıe ala alady. Osy baǵdarlama boıynsha nesıe 8 paıyzdyq stavkamen bir jylǵa deıin beriledi. Baǵdarlamanyń jalpy kólemi - 600 mlrd teńge. Qazirge deıin 259 mlrd teńgeniń nesıesi berilip qoıdy», - deıdi Madına Ábilqasymova.


Joǵary qaraı