Aýa raıy
Astana 19 °S
Almaty 13 °S
valıýta baǵamy
USD 412.55
EUR 468.66
RUB 5.79
CNY 58.80

Týystary ákelgen tamaq pen dári naýqasqa jetpeı qalady - Adaldyq alańy

2020 jyldyń 7 shilde 2020 13:56

NUR-SULTAN. QazAqparat - Týysqany taýyp bergen dári-dármek aýrýhanada jatqan naýqastyń qolyna jetpeı jatyr. Bul týraly tikeleı efır barysynda «Adaldyq alańy» respýblıkalyq jobalyq keńseniń jetekshisi Tólegen Baıǵulov aıtty, dep habarlaıdy QazAqparat tilshisi.

«Blogerlerdi, jýrnalısterdi dári-dármekke qatysty zańsyzdyqtardy anyqtaýǵa kómektesýge shaqyramyz. Úıden shyqpaı-aq Facebook, Instagram jelilerindegi dári-dármekke qatysty aqparattardy baqylap, ol aqparattyń ras-ótirigi, qanshalyqty zańdy ekenin anyqtaý úshin bizdiń 8 702 000 24 94 WhatsApp nómirimizge jiberýge bolady. Tártip ornatý kerek bolsa, ózimizden bastaýymyz kerek. Dárihanadan dári alǵan kezde chek suraý qajet. Chek bermegen jaǵdaıda vıdeoǵa túsirip alyńyz da, bizge jiberińiz. Dárihana qaı oblys, qaı aýdan, qaı jerde ornalasqany týraly aqparatty qosa jiberińiz. Biz ár fakti boıynsha jeke-jeke jumys isteımiz», - deıdi T.Baıǵulov.

Onyń aıtýynsha, qazir aýrýhanalarda dári-dármek tabý boıynsha qıyndyqtar bolyp jatyr.

«Týysqany taýyp bergen dári-dármek aýrýhanada jatqan naýqastyń qolyna jetpeı jatyr. Mysaly, dárini, tamaqty kúzetshi nemese sol aýrýhanada jumys isteıtin adam arqyly naýqasqa berip jibergenmen, naýqastyń qolyna tımeı qalýda. Keshe bizge habarlasyp, osyndaı aqparat aıtty. Endi dári men tamaqty naýqasqa jetkizý tártibin retteımiz», - deıdi ol.

Eske salaıyq, QR Prezıdenti dári-dármek baǵasyn negizsiz qymbattatý faktilerin anyqtaýdy tapsyrǵan bolatyn.




Joǵary qaraı