Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tútin taraǵan: Aqtóbede sabaq barysynda shirkeılerdi ýlaý júrgizilgen

2021 jyldyń 15 qazan 2021 17:29

AQTÓBE. QazAqparat – Aqtóbe qalasyndaǵy №9 mektep-gımnazııada arnaıy mamandar usaq shybyndarǵa qarsy ýlaý jumystaryn júrgizgen. Bul kezde bilim ordasynda 4 synyptyń oqýshylaryna sabaq ótip jatqan, dep habarlaıdy QazAqparat tilshisi.

Oqıǵa 14 qazan kúni keshki ýaqytta boldy. Ol kezde №9 mektep-gımnazııada ekinshi aýysym balalary bilim alyp jatqan.

«Ýlaý jumysy saǵat shamamen 19:00-de júrgizildi. Mektepte synyptardyń ishi emes, tek jertóle zalalsyzdandyryldy. Sodan aýa jeldetkish qubyrlary arqyly joǵary kóterilgen shyǵar. Negizi sol kezde oqýshylardyń kóbi úıine ketti. Bolsa 2-3 synyp bolǵan shyǵar. Keıbiri saǵat 20.00 – 20.30-ǵa deıin oqıdy. Ýlanǵan, emhanaǵa tústi, aryz tústi degen joq. Dırektorymyz qalalyq bilim bólimine ketti. Buǵan deıin osy jumys jazda, kóktemde, kúzde, ıaǵnı demalysta júrgiziletin edi», - dedi kezekshi muǵalim Oleg Svet.



Mektepte shirkeılerdi ýlaý jumysy júrgizilgenin oblystyq Sanıtarııalyq-epıdemıologııalyq baqylaý departamenti de rastady. Alaıda, ondaı tapsyrma berilmegenin atap ótti.

«Aqtóbe qalalyq Sanıtarııalyq-epıdemıologııalyq baqylaý basqarmasy usaq shybyndarǵa qarsy dezınsektsııalyq jumys júrgizý jóninde uıǵarym bergen joq.

Oqıǵaǵa keler bolsaq, qazirgi tańda oqýshylar arasynda ýlaný jaǵdaıy boıynsha shuǵyl habarlama túsken joq. Aldyn ala aqparatqa sáıkes, jospardan tys dezınsektsııalyq jumystar mekteptiń jertólesinde sabaq ýaqytynda shirkeıge qarsy júrgizilgen.

QR DSM 2018 jylǵy 28 tamyzdaǵy «Dezınfektsııa, dezınsektsııa men deratızatsııany uıymdastyrýǵa jáne júrgizýge qoıylatyn sanıtarııalyq-epıdemıologııalyq talaptar» buıryǵynyń 141-tarmaǵyna sáıkes, óńdeý júrgiziletin jerlerde óńdeýge qatysy joq adamdardyń bolýyna ruqsat etilmeıdi. Osy jaǵdaıǵa qatysty tıisti sharalar qabyldanady. Nátıjesi boıynsha qosymsha habarlaımyz.

Al ýlaý jumysyna keler bolsaq, mektepter bizden ruqsat almaıdy, kelisimshartpen jumysty júrgize beredi», - dep habarlady oblystyq Sanıtarııalyq-epıdemıologııalyq baqylaý departamentiniń baspasóz qyzmetinen.





Joǵary qaraı