Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Turmys» jedel aldyn alý sharasy: Óskemende15 nashaqor anyqtaldy

2021 jyldyń 18 maýsym 2021 10:23

ÓSKEMEN. QazAqparat – Óskemende polıtsııa qyzmetkerleri «Turmys» jedel aldyn alý sharasy barysynda 15 nashaqordy tirkeýge qoıdy, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, tártip saqshylary 9-16 maýsym aralyǵynda «Turmys» jedel aldyn alý sharasyn júrgizgen. Mundaǵy maqsat – mas kúıde jasalatyn qylmystarǵa jol bermeý, otbasylyq jáne turmystyq qatynastar salasyndaǵy keleńsizdikterdiń aldyn alý.

«Polıtseıler 124 otbasylyq janjal faktisi boıynsha qorǵaý nusqamasyn shyǵardy. Sondaı-aq QR ÁQBtK-niń 440-baby 4-bóligi boıynsha 13 adamǵa alkogoldi ishimdikterdi ishýge tyıym salynǵan. Jalpy turǵylyqty mekenjaıy boıynsha quqyq qorǵaý organdarynda esepte turǵan 1889 adam tekserildi», - delingen habarlamada.

Shara qorytyndysy boıynsha ishkilikke salynǵan 45 adam, 15 nashaqor, 34 turmysy tómen otbasy tirkeýge qoıyldy. Budan bólek, 8 adamdy ata-ana quqyǵynan aıyrý úshin materıaldar komıssııaǵa jiberildi.


Joǵary qaraı