Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııadaǵy zilzala: Kómek qajet bolsa, qazaqstandyqtar elshilikke habarlasa alady

2020 jyldyń 30 qazan 2020 19:38

IZMIR. QazAqparat - Túrkııadaǵy jer silkinisine baılanysty Qazaqstannyń Túrkııadaǵy elshiligi málimdeme jasady, dep habarlaıdy QazAqparat.

Bul jaıynda Qazaqstan Respýblıkasynyń Túrkııadaǵy elshisi Abzal Saparbekuly Facebook paraqshasynda jazdy.

«Óte shuǵyl! Óte mańyzdy! 30 qazanda jergilikti ýaqyt boıynsha saǵat 14.51 shamasynda epıtsentri Izmır provıntsııasynyń Seferıhısar aýdanyna jaqyn jerde, Egeı teńizinde 6.6 balldyq (keı aqparat kózderine sáıkes, 6,8 nemese 7 balldyq) qýatty jer silkinisi boldy. Zilzala Túrkııanyń Egeı jáne Marmara teńizderiniń jaǵalaýynda ornalasqan provıntsııalarda sezildi. QR Elshiligi tıisti túrik memlekettik organdary jáne mekemelerimen baılanys ornatyp, mán-jaıdy anyqtap jatyr» dep jazdy elshi.

Onyń aıtýynsha, ázirge zardap shekken Qazaqstan azamattary týraly aqparat joq.

«Kómek qajet bolsa, azamattarymyz tikeleı elshilikke +903124919100 nómirine nemese maǵan habarlasa alady» dep atap ótti Abzal Saparbekuly.

Eske sala keteıik, búgin Túrkııanyń batysynda jer silkingenin jazǵan bolatynbyz.


Joǵary qaraı