Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkııada ýaqytsha júrgen myńnan asa qazaqstandyqqa kómek kórsetildi

2022 jyldyń 9 qańtar 2022 13:21

NUR-SULTAN. QazAqparat - Qazaqstanda jarııalanǵan tótenshe jaǵdaıǵa baılanysty Túrkııada ýaqytsha júrgen myńnan astam qazaqstandyq elge qaıta almaı qalǵan, dep habarlaıdy QazAqparat.

Habar 24 arnasynyń málimetinshe, Ravıl Arystanbekov birneshe kún buryn Ystanbulǵa qydyryp kelgen edi. Endi Qazaqstanǵa qaıta almaı otyr. Sharasyz qalǵan otandasymyzǵa Túrkııadaǵy qandastarymyz qol ushyn berdi.

«Keshe Ystanbuldyń aeroportynan usha almaı qaldyq. Óıtkeni Qazaqstannan samolet ushqan joq. Sol kezde Ystanbuldaǵy qazaq baýyrlarymyz kelip kómektesti. Olar bizdi aeroporttan alyp kelip, ornalastyryp, tamaqtandyryp, jatatyn jer berdi. Alysta bolsa da, júregi qazaǵym degen soqqan túrkııalyq qandastarymyz der kezinde jumylyp, jolda qalǵan jolaýshylarǵa demeý boldy. Qazaqy dástúrge saı, arnaıy mal soıyp, ystyq tamaq, jatyn orynmen qamtamasyz etti«, dedi ol.

«Osyndaı jaǵdaıda endi biz qazaq bolyp, bir bola almasaq, tiri bola almasaq basqa eshýaqytta birligimizdi qorǵaı almaımyz. Qazaq- qaı jerde júrse de qazaq. Onyń aıyrmashylyǵy joq. Bizdiń bir qazaqstanymyz bar. Sol bir Qazaqstanymyzdyń halqy úshin bárin isteýge daıynbyz», - dedi qandas Janymhan Janaltaı.

Qınalǵan jurtqa kómek kórsetip jatqandardyń arasynda ózimizdiń otandastarymyz da bar.

«Bizdiń osy kezdegi birligimiz óte qatty bilindi, kórindi. Baýyrlarymyzǵa degen ystyq yqylasymyzdy baıqadyq. Endi qoldan kelgenshe elimizde bolmasaq ta, osy jaqta qalǵan qazaqtarǵa osylaı qoldaý bildirýge tyrysyp jatyrmyz», - erikti Merýert Serikbaıqyzy. Túrkııada oqyp jatqan qazaqstandyq jastar jumylyp, ýaqytsha elge qaıta almaı qalǵan jolaýshylarǵa kómek kórsetip jatyr.

«Biz endi materıaldyq kómek kóp bolmasa da, moraldyq kómek berýge keldik. Osy jaqqa 70-100 shaqty adamnyń keletinin estidik. Kerekti azyq-túlik tizimin jáne kelgen adamnyń tizimin jasadyq», -dedi stýdent Aslan Serik.

Qazaqstanda jarııalanǵan tótenshe jaǵdaıǵa baılanysty Túrkııada ýaqytsha júrgen myńnan astam qazaqstandyq elge qaıta almaı qalǵan. Sondyqtan Qazaqstannyń Túrkııadaǵy elshiligi men Ystanbuldaǵy Bas konsýldyǵy arnaıy shtab quryp, jolaýshylarǵa quqyqtyq-aqparattyq qoldaý kórsetip jatyr.

Jolda kidirgen jolaýshylardyń aldyńǵy legi keshe elge attandy.


Joǵary qaraı