Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııada túrki tildes elder táýelsizdiginiń 30 jyldyǵyna arnalǵan kontsert ótti

2021 jyldyń 18 qazan 2021 22:35

NUR-SULTAN. QazAqparat – «Daryn» memlekettik jastar syılyǵynyń laýreaty Rasýl Jarmaǵambetov Túrkııanyń Bılkent sımfonııalyq orkestri kontsertinde óner kórsetti, dep habarlaıdy QazAqparat tilshisi.

«Túrkııanyń tanymal Bılkent sımfonııalyq orkestri jańa maýsymdaǵy kontsertin Túrki álemi ónerpazdarymen birge bastady. Halyqaralyq TÚRKSOI uıymymen birlesken joba aıasynda Jorja Bızeniń «Karmen» operasy sahnalandy. Bul mádenı is-sharany Túrki mádenıeti halyqaralyq uıymy baýyrlas elder Táýelsizdiginiń 30 jyldyǵyna arnap otyr. Ázerbaıjandyq Elshad Bagırov dırıjerlik etken kontsertke «Daryn» memlekettik jastar syılyǵynyń laýreaty jerlesimiz Rasýl Jarmaǵambetov te qatysty», - dep málim etti Qazaqstannyń TÚRKSOI-daǵy ókili Baqytjan Omarov.

Onyń atap ótýinshe, kontsertte Ózbekstan, Túrkııa, Bashqurtstan ánshileri de óner kórsetken.

«Pandemııa kezinde operany saǵynǵan halyq kontsert zalyn lyq toltyrdy. Maýsymnyń ashylýyna 3 myńǵa jýyq kórermen qatysty», - dedi ol.








Joǵary qaraı