Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııada «Qazyǵurt oqıǵalary» kitabynyń tusaýkeseri ótti

2021 jyldyń 25 qazan 2021 15:48

ALMATY. QazAqparat - Túrkııanyń Anadoly qalasynda Táýelsizdiktiń 30 jyldyǵyna oraı «Alash» jáne Mahmut Qashqarı halyqaralyq ádebı syılyǵynyń laýreaty, jazýshy Nurǵalı Orazdyń túrik tiline aýdarylǵan «Qazyǵurt oqıǵalary» kitabynyń tusaýkeseri ótti, dep habarlaıdy QazAqparat tilshisi.

Saltanatty shara Qazaqstannyń Túrkııadaǵy elshiliginiń uıymdastyrýymen jáne Ál-Farabı atyndaǵy Qazaq ulttyq ýnıversıtetiniń qoldaýymen HVI halyqaralyq Ankara kitap kórmesi aıasynda ótti.

Jınaqtyń alǵysózin jazǵan QazUÝ rektory Janseıit Túımebaev QazUÝ túlegi ári qyzmetkeri Nurǵalı Orazdyń túrik tiline tárjimalanǵan «Qazyǵurt oqıǵalary» atty áńgimeler jınaǵy týys halyqtardy ádebıet arqyly jaqyndastyra túserine úmit artady.

Ál-Farabı atyndaǵy Qazaq ulttyq ýnıversıtetiniń baspasóz qyzmetinen málim etkendeı, jınaqtyń tanystyrylymynda Qazaqstannyń Túrkııadaǵy Elshisi Abzal Saparbekuly toptamanyń Qazaqstan Táýelsizdiginiń 30 jyldyǵy, Túrkııa Respýblıkasynyń 100 jyldyǵy qarsańynda oqyrman qolyna tıgenin, sondaı-aq jınaqqa engen «Baqyt qusy», «Ońasha aral», «Túrik aspanyndaǵy qazaq juldyzy», «Aq tyrnalardyń uıasy», «Qazyǵurt oqıǵasy», «Biz, ol, mersedes jáne mahabbat», «Túndegi jetim tamshylar», «Qaıyrshynyń juldyzy», «Boranbaı baron – teris aǵash» týyndylarynyń túrik aǵaıyndardyń kóńilinen shyǵaryna senim bildirdi.

Eýrazııa Jazýshylar odaǵynyń tóraǵasy ıAkýp Ómeroǵlý ózi basqaratyn «Bengý» baspasynan jaryq kórgen týyndynyń tarıhı-mádenı salmaǵyn sıpattap, Qazyǵurt taýlaryn kórip ósken qalamgerdiń sýretkerlik qyryn joǵary baǵalady.

Eýrazııa Jazýshylar odaǵynyń basqarma múshesi, kitap aýdarmashylarynyń biri Jámıla Kynajy qazaq ádebıetiniń beldi ókili N.Orazdyń jazýshylyq stıli men janrlyq erekshelikteri týraly baıandama jasap, ár shyǵarmanyń arqalaǵan júgi men kótergen mindetin jan-jaqty tanystyryp ótti.

Jazýshy Nurǵalı Oraz óz kezeginde buǵan deıin jekelegen áńgimeleri túrik tiline aýdarylǵanymen, alǵash ret jeke kitap retinde jaryq kórgenin jetkizip, shara uıymdastyrýshylaryna rızashylyǵyn bildirdi.








Joǵary qaraı