Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııada erikti azamattarǵa otandyq TURKOVAC vaktsınasy egiledi

2021 jyldyń 15 qazan 2021 15:20

NUR-SULTAN. QazAqparat – Túrkııanyń e-Nabız veb-saıtyna eriktilerden COVID-19 vırýsyna qarsy otandyq TURKOVAC vaktsınasynyń úshinshi dozasyn salýǵa ótinimder túse bastady, dep habarlaıdy QazAqparat Anadoly aqparat agenttigine silteme jasap.

Ótinimder eldiń Densaýlyq saqtaý mınıstri Fahrettın Qojanyń koronavırýsqa qarsy vaktsınanyń eki komponentin alǵan Túrkııa turǵyndaryn el ǵalymdary jasap shyǵarǵan TURKOVAC vaktsınasynyń úshinshi dozasyn saldyrtýǵa úndegen soń túse bastady.

TURKOVAC vaktsınasynyń býsterlik dozasyn saldyrtýǵa eriktiler buǵan deıin vaktsınanyń qos dozasyn alǵan jáne COVID-19 vırýsymen aýyrǵan18-59 jas aralyǵyndaǵy azamattar qatarynan tańdalady.

TURKOVAC vaktsınasynyń úshinshi dozasyn saldyrtýǵa nıet bildirgen azamattar enabiz.gov.tr veb-saıtyna kirip, (Vaktsınalardy zertteýde erikti bolý) batyrmasyn basýy tıis.

Vaktsınany zertteýge qatysý úshin barlyq krıterıılerge sáıkes bolǵan kandıdattar e-Nabız saıtynda aqparattandyrylady.

TURKOVAC vaktsınasynyń býsterlik dozasy 41 medıtsınalyq ortalyqta, eń aldymen qalalyq aýrýhanalarda engizilýde. Ony Túrkııanyń túkpir-túkpirindegi barlyq turǵyndar saldyrta alady.

TURKOVAC otandyq vaktsınanyń serııalyq óndirisin iske qosý úshin oǵan kem degende 3 myń erikti qatysýy qajet.


Basty sózder: Vaktsına, Túrkııa, Álem,
Joǵary qaraı