Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkııa tórinde qazaqtyń dástúrli óneri ulyqtaldy

2021 jyldyń 27 qarasha 2021 02:28

NUR-SULTAN. QazAqparat – Ystanbulda Almaty qalalyq mádenıet basqarmasyna qarasty qazaqtyń dástúrli ónerin ulyqtaıtyn «Alataý» óner teatry ujymynyń «Altybaqan» atty oıyn-saýyq án keshi ótti, dep habarlaıdy QazAqparat tilshisi.

Túrkııadaǵy Qazaqstan Elshiliginiń málimetinshe, elimizdiń Táýelsizdiginiń 30 jyldyǵyn atap ótý aıasynda uıymdastyrylǵan is-sharaǵa Ystanbul qalasynyń ákimdigi jan-jaqty qoldaý kórsetken.

«Atalǵan mádenı is-sharaǵa Qazaqstannyń Túrkııadaǵy Elshisi Abzal Saparbekuly jáne Ystanbul qalasy merııasynyń ókilderi, «Alataý» óner teatrynyń dırektory Rınat Zaıtov, qazaq dıasporasy, zııaly qaýym jáne Túrkııada bilim alyp jatqan stýdentter qatysty. Keshtiń ashylý saltanatynda sóz sóılegen Abzal Saparbekuly jınalǵan qaýymdy Táýelsizdigimizdiń 30 jyldyǵymen quttyqtap, keshtiń eki el arasyndaǵy mádenı baılanystardy nyǵaıtýǵa úles qosatyndyǵyna senimin bildirdi. Sonymen qatar Elshi Táýelsizdigimizdiń 30 jyldyǵynda elimizdiń jetken jetistikteri men Qazaqstan-Túrkııa baılanystary týraly jan-jaqty baıandady», - dep atap ótedi Elshiliktiń baspasóz qyzmetinen.





«Altybaqan» oıyn-saýyq keshinde dástúrli ándermen qatar umyt bolyp bara jatqan, kóne dástúrli án-jyrlar da oryndaldy. Sahnada ónerpazdar qazaq halqynyń maqtanysh eter asyl murasy, rýhanı jádigerleri ishinde umyt bolyp bara jatqan turmys-saltyn óner súıer qaýymǵa pash etti. Bul oıynda qazaq jastarynyń erteden kele jatqan keshkilik bas qosý, án aıtý, dombyra tartý, aıtysý, bı bıleý, túrli oıyndar oınaý sııaqty dástúrleri usynyldy. Sonymen qatar, teatrdyń kúmis kómeı, jez tańdaı ánshileri túrik kórermenderine olardyń ana tilinde de án shyrqady.


Joǵary qaraı