Aýa raıy
Astana 18 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Túrkııa men Eýropa qazaqtarynan kelgen gýmanıtarlyq kómek aýrýhanalarǵa taratylýda

2020 jyldyń 14 shilde 2020 20:16

NUR-SULTAN. QazAqparat - Túrkııa men Eýropadaǵy qandastardan kelgen gýmanıtarlyq kómek aýrýhanalarǵa taratylyp jatyr, dep habarlaıdy QazAqparat «Otandastar» qoryna silteme jasap.

Aıta keteıik, 14 shilde kúni Nur-Sultan ýaqytymen saǵat 02:30-da Túrkııa men Eýropadaǵy qandastar birigip uıymdastyrǵan gýmanıtarlyq kómek Qazaqstanǵa kelip jetken bolatyn.

Kómektiń jalpy salmaǵy – 900 kıllogramǵa jýyq. Onyń ishinde medıtsınalyq zattar (betperde, termometr, qorǵanysh kostıýmderi jáne basqalar) jáne ókpeni jasandy jeldetý qurylǵylary bar. Bul medıtsınalyq jabdyqtar elimizdegi medıtsına ortalyqtaryna úlestiriledi.




Júktiń bir bóligin búgin «Dúnıejúzi qazaqtarynyń qaýymdastyǵy», «Otandastar kory» jáne elimizge Túrkııadan arnaıy kelgen qazaq dıasporasynyń ókilderi Nur-Sultan qalasyndaǵy juqpaly aýrýlar ortalyǵyna tapsyrdy. Gýmanıtarlyq kómektiń qalǵan bóligi Almaty, Shymkent jáne ShQO emhanalaryna jetkiziledi.




«Álemniń qaı tusynda júrse de, atajurt Otanyn umytpaı, qıyn-qystaý ýaqytta elimizge qol ushyn sozyp, birden kómek kórsetken Túrkııadaǵy, Eýropadaǵy qandastarymyzǵa, aǵaıyn-baýyrlarymyzǵa jáne osy júkti jetkizýge atsalysqan barlyq memlekettik mekemelerge alǵys aıtamyz. «Dúnıejúzi qazaqtarynyń qaýymdastyǵy» men «Otandastar kory» atynan rızashylyǵymyzdy jetkizemiz», - dedi jýrnalısterge suhbat bergen «Otandastar qory» KEAQ vıtse-prezıdenti Maǵaýııa Sarbasov.





Joǵary qaraı