Aýa raıy
Astana 14 °S
Almaty 12 °S
valıýta baǵamy
USD 405.69
EUR 455.51
RUB 5.72
CNY 57.42

Túrkııa 150 saǵattyń ishinde YPG lańkesteriniń shyǵarylýyn qamtamasyz etedi – Erdoǵan

2019 jyldyń 23 qazan 2019 17:38

SOChI. ANADOLY – QazAqparat –Túrkııa men Reseı prezıdentteri Sochıde Sırııadaǵy jaǵdaıda talqylady. «Maqsatymyz – Sırııadaǵy uzaqmerzimdi turaqtylyqqa qol jetkizý», - dep málim etti Túrkııa prezıdenti Rejep Taıyp Erdoǵan reseılik áriptesi Vladımır Pýtınmen Bacharov rýcheı rezıdentsııasynda ótkizgen alty saǵattyq kelissózderdiń nátıjesi boıynsha. Bul jóninde Túrkııanyń «Anadolý» agenttigi habarlaıdy.

R.Erdoǵan sońǵy 8,5 jylda Túrkııa sırııalyq 3 mln 650 myń bosqynǵa pana bolǵanyn jáne olardyń 350 myńy – etnıkalyq kúrdter ekenin eske túsirdi. Sondaı-aq, ol Túrkııa men Reseı Sırııada birigip áreket etip, sırııalyq bosqyndardyń óz otandaryna qaıtýyn jeńildetetin jobalardy júzege asyratynyn málim etti.

Túrkııa basshysy 23 qazan kúni tús ýaqytynan bastap YPG lańkesterin qarýlarymen birge túrik shekarasynan 30 shaqyrym jerge yǵystyrý qamtamasyz etiletinin atap ótti. Bul jumystar 150 saǵattyń ishinde iske asyrylmaq.

TASS agenttiginiń málimetinshe, Reseı Túrkııa men Sırııa arasyndaǵy shekara rejimi boıynsha Adana kelisimin júzege asyrýǵa qol ushyn sozatyn bolady. «Qos tarap Adana kelisiminiń mańyzyn rastaıdy. Reseı Federatsııasy Adana kelisiminiń zamanaýı túrde júzege asyrylýyna járdemdesedi», - delingen qujatta.

Pýtın men Erdoǵannyń Sochıdegi kelissózderi alty saǵattan astam ýaqytqa jalǵasty.




Joǵary qaraı