Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistandyq polıtseıler shól dalada eki kún boıy adasyp júrgen múgedek jigitti tapty

2022 jyldyń 18 mamyr 2022 15:19

TÚRKІSTAN. QazAqparat - Otyrar aýdandyq polıtsııa bólimine keshki saǵat 17:00 shamasynda Sháýildir aýylynyń turǵyny habarlasqan. Ol 29 jasar birinshi toptaǵy múgedek ulyn joǵaltyp alǵan, dep habarlaıdy QazAqparat.

Aımaqtaǵy polıtsııa departamentiniń jazýynsha, uly shalǵaıda ornalasqan mal jaıylymdyq alqaptaǵy úıinen belgisiz baǵytta shyǵyp ketip, qaıtyp oralmaǵan. Bir kún boıy izdep taba almaǵan jigittiń týystary polıtsııa qyzmetkerlerinen kómek suraǵan.

«Otyrar APB qyzmetkerleri habar alysymen jedel qımyldap, jeke quram tolyq jumyldyryldy. Budan bólek, bul quramǵa eriktiler qosylyp, jalpy 50 adamnan quralǵan top jigitti izdeýge kiristi. Polıtseıler ózge de mal jaıylymdyq alqaptardy, Qyzylorda oblysy jáne Ózbekstan Respýblıkasymen shektesetin qumdy aımaqtarǵa deıin túgel aralap shyqty. Kúni-túni damyl tappaı izdeý nátıjesinde joǵalǵan bala 2 kúnnen soń 20 shaqyrym qashyqtyqtaǵy shól daladan tabyldy. Tártip saqshylary tabylǵan uldy aman-esen anasyna tabystady», - dep málimdedi vedomstvodan.

Anyqtalǵandaı bul otbasynyń jeke mal jaıylymdyq alqaby jáne onda vagon úıshiginen jasalǵan baspanasy bolǵan. Otbasy músheleri syrtta maldarynyń jem-sýyn berip, abyr-sabyr bolyp júrgende múgedek uldyń úıshikten shyǵyp ketkenin eshkim baıqamaǵan.


Basty sózder: Polıtsııa, Túrkistan oblysy,
Joǵary qaraı