Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandyq oqýshylar «Sheksiz ómir» festıvalinde top jardy

2020 jyldyń 23 qarasha 2020 14:53

TÚRKІSTAN. QazAqparat - «Daryn» respýblıkalyq ǵylymı-praktıkalyq ortalyǵy erekshe bilim berýdi qajet etetin balalarǵa arnalǵan «Sheksiz ómir» respýblıkalyq festıvalin uıymdastyrdy, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, qashyqtan ótken festıvalde elimizdiń barlyq óńirinen 4 toptyq ujym, 101 qatysýshy baq synaǵan. Qamqóńil balalar arasyndaǵy saıysta Túrkistan oblysynan 6 oqýshy qatysty. Onyń beseýi júldeli orynnan kórindi.

Respýblıkalyq festıval 6 nomınatsııa boıynsha ótkizilgen bolatyn. Vokaldyq oryndaý: ymdaý tilinde án aıtý, jeke án aıtý, vokaldyq ujym; bı bıleý (arbamen bı bıleý); Kórkem shyǵarmashylyq: keskindeme, portret, grafıka, fotoóner; sándik-qoldanbaly shyǵarmashylyq; tehnıkalyq ónertabystar; kompıýterlik ázirlemeler, robototehnıka.

Oblys ortalyǵynda mereıi ústem bolǵan júldegerler bilim salasynyń qyzmetkerlerimen júzdesti. Oblystyq adamı áleýetti damytý basqarmasynyń basshysy Raqymbek Jolaev marapat ıelerimen kezdesýde oqýshylardy laıyqty jeńisimen quttyqtap, alǵys bildirdi.











Dastan Ormanov tehnıkalyq ónertabystar nomınatsııasy boıynsha І dárejeli dıplommen marapattaldy.

Al, ІІ dárejeli dıplomǵa kompıýterlik ázirlemeler nomınatsııasynyń ıegeri Qambarbek Kádirbekuly, bı bıleý nomınatsııasy boıynsha Lengir kómekshi mektep-ınternatynyń «Ásemaı» ansambli laıyq dep tanylǵan.

Sondaı-aq, ІІІ dárejeli dıplomǵa Berdıbek Madııar – kórkem shyǵarmashylyq nomınatsııasy men Qymbat Shaken – sándik qoldanbaly shyǵarmashylyq nomınatsııasy boıynsha ıe boldy.





Joǵary qaraı