Aýa raıy
Astana 20 °S
Almaty 21 °S
valıýta baǵamy
USD 412.55
EUR 465.73
RUB 5.79
CNY 58.91

Túrkistandyq 17 oqýshy syılyq sertıfıkattaryna ıe boldy

2019 jyldyń 13 qarasha 2019 22:31

TÚRKІSTAN. QazAqparat – Túrkistanda turmysy tómen otbasyndaǵy jáne ata-anasynyń qamqorlyǵynsyz qalǵan 17 oqýshy syılyq sertıfıkattaryna ıe boldy. Bul jasóspirimder endi rýhanı shahardaǵy «GLOBUS» balalardy damytý ortalyǵynda ózderi qalaǵan sabaqtarynan qosymsha bilim alyp jáne túrli úıirmelerge qatysýǵa múmkindik aldy, dep habarlaıdy QazAqparat tilshisi.

Quny 84 myń teńge turatyn sertıfıkatty tapsyrý sharasy «Otbasy Akademııasy» Qoǵamdyq qorynyń «Ónege» jobasy aıasynda uıymdastyryldy.




«Maýsym aıynan bastap qıyn jaǵdaıǵa túsken otbasylarmen jumys istep kelemiz. Osy maqsatta 25 januıaǵa kómek qolyn sozdyq. 125 keńes, 27 trenıng, 3 sheberlik saǵaty jáne 2 kezdesý ótkizdik. Іs-sharaǵa balalarmen túrli salanyń qyzmetkerleri qatysqan bolatyn», – deıdi oblystyq isker áıelder uıymynyń tóraıymy B.Jandosova.

Uıymnyń tóraıymy bilimpazdarǵa eldiń erteńi jas urpaqtyń qolynda ekendigin aıtyp, bilim kókjıegin keńitetin bul múmkindikti tıimdi paıdalanýǵa shaqyrdy. Al, «GLOBUS» balalardy damytý ortalyǵynyń dırektory Aıperi Bekbolatova kelýshilerdi mekemeniń jumysynyń tynys-tirshiligimen tanystyryp, jas órenderge úıirmelerdi kórsetti. Aıta keteıik, 2017 jyly ashylǵan ortalyq búginde 250-ge jýyq oqýshyǵa qosymsha dáris beredi. Jetken jetistikteri de jaman emes. Qaı sabaqtan úlgerimdi ilgeriletý jáne qaı úıirmege qyzyǵýshylyq basym bul tańdaý oqýshylardyń óz erkinde bolmaq.










Joǵary qaraı