Aýa raıy
Astana -4 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandy túletýge Shardara men Jetisaı aýdanynyń azamattary da atsalysýda

2020 jyldyń 24 qarasha 2020 04:36

TÚRKІSTAN. QazAqparat – Túrkistandy túletýge Shardara men Jetisaı aýdanynyń azamattary da atsalysýda. Eki aýdannyń turǵyndary oblys ortalyǵyna aǵash kóshetterin otyrǵyzyp, maýsymdyq gúlder egýde, dep habarlaıdy QazAqparat tilshisi.

Shardara aýdanyna bólinip berilgen №10 sektorda aýdan basshysy Qaırat Joldybaıdyń tikeleı qatysýymen senbilik uıymdastyrylyp, 2,5 gektar jerge 2500 aǵash otyrǵyzylǵan.

Sondaı-aq, 40 túp shyrsha men 100-ge jýyq gúldiń túri egilgen. Kógaldandyrý jumystaryna 150-ge jýyq aýdan turǵyndary belsendi qatysyp, oblys ortalyǵyn gúldendirýge eleýli úles qosty. Kógaldandyrý jumystarymen oblys ákimi Ómirzaq Shókeev tanysyp, oń baǵasyn bergen.

Al, №15 sektorǵa jaýapty jetisaılyqtar «Túrkistan» avtobeketi men qalaǵa kire beris kópirge deıingi aımaqqa 3500-ge jýyq kóshet otyrǵyzǵan. Onyń ishinde terek - 2000, qyrym shyrshasy - 100, qaraǵash – 1400 dana.

Kóshetter Jambyl oblysynda ornalasqan tuqymbaqtan jetkizilgen. Egilgen kóshetterdi sýarý úshin 1700 metrge «tamshylatyp sýǵarý» júıesin júrgizý kózdelýde.

Aldaǵy ýaqytta qajettiligine qaraı qosymsha kóshetter egý jumystary jalǵasyn tabatyn bolady.

Atalǵan jumystar úshin 30-ǵa tarta jumysshy men qajetti tehnıkalar eńbekke jumyldyrylǵan.


Avtor Aınur Aqbaeva
Basty sózder: Qurylys, Túrkistan oblysy,
Joǵary qaraı