Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandy abattandyrý jumystaryna aýdandar da atsalysýda

2020 jyldyń 20 qarasha 2020 10:00

TÚRKІSTAN. QazAqparat - Arys tájirıbesin negizge ala otyryp, 32 sektorǵa bólingen Túrkistan qalasynda jyl basynan beri abattandyrý jumystary qyzý júrip jatyr.

Túrkistan oblysynyń ákimi Ómirzaq Shókeev birqatar sektorlardyń jumysyn aralap kórdi. Aýdan basshylary oǵan qalany abattandyrý baǵytynda atqarylyp jatqan jumystardyń barysy jóninde baıandady, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Mysaly, Ordabasy aýdanyna 13 kóshe, Tólebı aýdanyna 11 kóshe jáne Túlkibas aýdanyna 9 kóshe bekitilgen. 8 shaqyrymǵa sozylǵan kóshelerge aǵash, gazon egý jáne tamshylap sýǵarý júıesin ornatý josparlanǵan. Josparlanǵan 12 myńǵa jýyq kóshettiń 96,2%-y otyrǵyzylǵan. Qarasha aıynyń aıaǵyna deıin terek, úıeńki, iri japyraqty qaraǵash, arsha aǵashy men raýshan gúlderi egiledi.




Túlkibastyqtar ózderine bekitilgen sektorda senbilik ótkizip, 9 kósheni tazalady. 7 myń túp jasyl jelek pen gazon egildi. Sondaı-aq, ortalyq Dastanov kóshesine jańadan sýarý júıesi ornatyldy.

Saıram aýdanynyń sektorynda 8,48 shaqyrymdy quraıtyn 9 kóshede 7655 kóshet otyrǵyzyldy. Aýdanǵa bekitilgen №2 sektorda turaqty túrde senbilik jumystary uıymdastyrylyp, jerdi tegisteý, shuńqyr qazý, kóshet egý jumystary júrgizildi. Qazylǵan uıashyqtarǵa topyraq salynyp, kóshet tamyryn ylǵaldandyratyn gıdrogel jáne topyraqty qopsytý úshin bıogýmýs sebilýde. Sonymen qatar, kóshetterdi sýǵarý júıesi júrgizilip, gazon egiledi.




Shardara aýdanyna bekitilgen aýmaqta da kóshetter otyrǵyzylyp, gúlder egilgen. Aınala kúl-qoqystan tazartylyp, tıisti jumystar qarqyndy júrip jatyr.

Túrkistan qalasyn kógaldandyrýǵa Tólebı aýdany da atsalysyp jatyr. Aýdan basshysynyń baqylaýymen, 7354 aǵash kóshetterin egý, kóshetterdi sýǵarý úshin 12 119 metr tamshylatyp sýǵarý júıesin júrgizý jáne 5 dana uńǵyma qazý jumystary atqarylýda. Bul baǵyttaǵy jumystar óz jalǵasyn taýyp, qala aýmaǵynda 7 myńnan astam arsha, terek, qara aǵash kóshetteri otyrǵyzylmaq.




Shahardy kógaldandyrý aýmaǵy 187 ga quraıdy. Saıabaqtardy jaıqaltyp, gúlzarlardy kórkeıtý, jelekjoldar men turǵyn úı oramdaryn, qoǵamdyq ǵımarattardy kógaldandyrý iske asyp jatyr.

Qalanyń klımattyq jaǵdaıyn eskere otyryp, qala syrtynda kógaldandyrýdyń úzdiksiz júıesin jáne Syrdarııa ózeniniń tabıǵı ósimdikter dúnıesimen qosylýdy qamtamasyz etetin jasyl beldeýdi qalyptastyrý kózdelgen.





Basty sózder: Qurylys, Túrkistan oblysy,
Joǵary qaraı