Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistandaǵy ýnıversıtet pen Frantsııadaǵy JOO yntymaqtastyq týraly kelisimge qol qoıyldy

2020 jyldyń 24 qarasha 2020 01:21

TÚRKІSTAN. QazAqparat – Túrkistan qalasynda bıylǵy jyly ashylǵan halyqaralyq týrızm jáne meımandostyq ýnıversıteti men Frantsııa eliniń Anje qalasynda ornalasqan University of Angers arasynda yntymaqtastyq týraly kelisimge onlaın-qol qoıý rásimi ótti. Eki jaqty kelisim Frantsııadaǵy QR Elshiliginiń qoldaýymen júzege asyrylýda, dep habarlaıdy QazAqparat tilshisi.

Sharaǵa QR Mádenıet jáne sport mınıstri Aqtoty Raıymqulova men Basqarma Tóraıymy, Halyqaralyq Týrızm jáne meımandostyq ýnıversıtetiniń rektory Maınur Myrzamadıeva, Frantsııa eliniń Eýropa jáne syrtqy ister mınıstri janyndaǵy Memlekettik hatshysy Jan-Batıst Lemýan jáne University of Angers rektory Krıstıana Robledo qatysty. Kelisim aıasynda joǵarǵy oqý oryndary arasynda seriktestik qarym-qatynas ornatý men oqytýshylar quramy jáne stýdentterimen ózara baılanys ornatý kózdelip otyr.

Aıta keteıik, halyqaralyq týrızm jáne meımandostyq ýnıversıteti Túrkistan qalasynda Elbasynyń bastamasymen jáne Memleket basshysynyń tikeleı tapsyrmasymen ashylǵan bolatyn.




Qazaqstandaǵy alǵashqy halyqaralyq deńgeıdegi oqý orny týrızm salasynda álemdik deńgeıdegi mamandardy daıarlaıtyn bilim ordasy bolmaq. Qazirgi ýaqytta ýnıversıtet stýdentteri alty bilim berý baǵdarlamasy boıynsha bilim alýda. Ýnıversıtet basshylyǵy AQSh, Frantsııa, Italııa, Portýgalııa, Slovakııa, Gonkong, Úndistan jáne basqa da jetekshi joǵary oqý oryndarymen, sondaı – aq ıÝNESKO (Birikken Ulttar Uıymynyń bilim, ǵylym jáne mádenıet máseleleri jónindegi mamandandyrylǵan mekemesi) jáne BUU UNWTO (Birikken Ulttar Uıymynyń Dúnıejúzilik Týrıstik Uıymy) halyqaralyq uıymdarymen yntymaqtastyq týraly kelisimge qol qoıǵan. Qazaqstannyń týrıstik salasyn damytý úshin bilikti kadrlar daıarlaıtyn alǵashqy beıindi joǵary oqý ornyna Túrkistan oblysynyń basshylyǵy barynsha qoldaý kórsetýde.




















Avtor Aınur Aqbaeva
Basty sózder: Bilim, JOO-lar, Túrkistan oblysy,
Joǵary qaraı