Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda úkimettik emes uıymdardyń ortalyǵy ashyldy

2021 jyldyń 15 qazan 2021 18:52

TÚRKІSTAN. QazAqparat - Búgin Túrkistan oblysynyń Qoǵamdyq damý basqarmasynyń qoldaýymen oblys ákimdiginiń basqarmalar úıinde «Úkimettik emes uıymdardyń azamattyq ortalyǵy» ashyldy, dep habarlaıdy QazAqparat.

Atalmysh sharaǵa Qoǵamdyq damý basqarmasynyń basshysy Ańsar Óserbaev, «Túrkistan oblysynyń Azamattyq alıansy» zańdy tulǵalar qoǵamdastyǵy tóraǵasy Sháripbek Jamalbekuly, oblystyq máslıhat depýtaty Inara Namazbaeva, aýdan, qalalardaǵy úkimettik emes uıymdardyń ókilderi qatysty.

Qoǵamdyq damý basqarmasynyń basshysy Ańsar Óserbaev sharanyń mańyzdylyǵyna toqtalyp,úkimettik emes uıymdardyń negizi maqsat-mindetterin aıtyp ótti.

«Úkimettik emes uıymdar - negizgi azamattyq qoǵam ınstıtýttary bolyp tabylady. Konstıtýtsııanyń kirispesinde el maqsatynyń biri - azamattyq qoǵam qurý ekendigi aıqyn kórsetilgen. Al azamattyq qoǵamǵa barar negizgi jol qoǵamdyq ınstıtýttardy damytý arqyly júzege asady», - dedi Ańsar Óserbaev.

QR Úkimetiniń 2020 jylǵy 29 jeltoqsandaǵy №917 «Qazaqstan Respýblıkasynda azamattyq qoǵamdy damytýdyń tujyrymdamasyn iske asyrý boıynsha is-sharalar jospary (birinshi kezeń:2020-2025 jyldar)» qaýlysynda úkimettik emes uıymdardy qoldaý boıynsha is-sharalar jospary naqtylanǵan. Aldaǵy kezeńderde jergilikti atqarýshy bılik pen azamattyq qoǵam ınstıtýttarynyń yntymaǵyn ary qaraı nyǵaıtý, birlesken jumystardy kúsheıtý, úkimettik emes uıymdardyń belsendiligin arttyrý baǵytyndaǵy jumystar joǵary deńgeıde júrgizile beredi.




«Túrkistan oblysynyń Azamattyq alıansy» ZTQ tóraǵasy Sháripbek Jamalbekuly men oblystyq máslıhattyń depýtaty Inara Namazbaeva oblys kóleminde tirkelgen ÚEU-lardyń atqaryp jatqan jumystary, tynys-tirshiligi jónindegi oılarymen bólisti.

Ortalyqtyqtyń ashylý rásimi aıaqtalǵan soń «Ońtústik jastary» qoǵamdyq qorynyń joba úılestirýshisi Abaı Andabaevtyń jetekshiligimen «ÚEU derekqoryna, uıymnyń qyzmeti jaıly aqparat engizý» taqyrybynda semınar ótti. «Qyzylorda jastary» ZTQ tóraǵasy Ardaq Aýkenov, semınarǵa qatysýshylarǵa derekqorǵa málimet tapsyrý tártibi týraly aqparattardy jetkizdi. Semınarǵa qatysýshylar óz oılaryn ortaǵa salyp, osy baǵyttaǵy tolǵandyrǵan suraqtarǵa jaýaptaryn aldy.





Joǵary qaraı