Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda salynyp jatqan jańa meshitke sáýlet úlgisiniń erekshe tásilderi qoldanylady

2021 jyldyń 9 jeltoqsan 2021 17:30

TÚRKІSTAN. QazAqparat - Túrkistan qalasynda 5 myń orynǵa arnalǵan meshit salynyp jytar. Ózbekstan Respýblıkasynyń Túrkistanǵa tartýy retinde boı kóterip jatqan qulshylyq úıine sáýlet úlgisiniń erekshe tásilderi qoldanylyp jatyr, dep habarlaıdy QazAqparat tilshisi.

Qazirgi tańda jańa nysanda tas qalaý, kúmbezdi montajdaý jumystary aıaqtalǵan. Árleý, montajdaý, elektrmen qamtý jáne ózge de jumystary atqarylýda. Oblys ákimi Ómirzaq Shókeev shahardaǵy qurylys nysandaryn kezekti aralaý barysynda osy nysannyń jaı-kúıimen tanysty. Óńir basshysy oblys ortalyǵyndaǵy ıAssy kóshesi boıynda jelilik saıabaqtyń qurylys barysyn da baǵdarlady. 11 gektarǵa ornalasatyn saıabaqty jyl sońyna deıin tapsyrý josparlanǵan. Búgingi tańda abattandyrý, jaıaý adamdarǵa arnalǵan joldar men velojoldar salý, kóshet otyrǵyzý jáne oǵan sý arnasyn júrgizý 100 paıyzǵa aıaqtalǵan.




Sonymen birge Túrkistan qalasyndaǵy «Kerýen saraı» turǵyn úı kesheninde de qurylys qarqyndy júrip jatyr. 500 adam jumyspen qamtylǵan. Bıyl qyrkúıek aıynda irgetasy qalanǵan úıler 2022 jyly kóktemde beriledi dep josparlanǵan. Oblys ákimi bastaǵan top Bekzat Sattarhanov atyndaǵy sporttyq-saýyqtyrý keshenindegi qareketti de sholyp shyqty. Túrkistan oblystyq olımpıada rezerviniń mamandandyrylǵan balalar men jasóspirimder sport mektebiniń sport keshenin rekonstrýktsııalaý jáne 320 oryndyq qosymsha ǵımarattyń irgetasyn qalaý, birinshi qabattaǵy tirek qabyrǵasyn turǵyzý jumystary 100 paıyz aıaqtalǵan. Qurylys jáne montaj jumystary jobaǵa sáıkes oryndalýda, jobadan aýytqýlar joq. Nysan 2022 jyly beriledi. Sport ǵımaratynyń qurylysyn sapaly júrgizýdi tapsyrǵan Ómirzaq Shókeev jaýapty laýazym ıelerine birqatar tapsyrmalar berdi.























Avtor Aınur Aqbaeva
Basty sózder: Túrkistan oblysy, Qurylys, Din, Ákim,
Joǵary qaraı