Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda Qajymuqan atyndaǵy halyqaralyq týrnır ótip jatyr

2021 jyldyń 25 qarasha 2021 16:22

TÚRKІSTAN. QazAqparat - Búgin Túrkistanda qazaqtyń dańqty balýany Qajymuqan Muńaıtpasulynyń 150 jyldyq mereıtoıyna arnalǵan qazaq kúresinen dástúrli halyqaralyq týrnır bastaldy, dep habarlaıdy QazAqparat tilshisi.

Jarystyń ashylýy barysynda batyr baba týraly telefılm kópshilik nazaryna usynyldy. Sondaı-aq, barlyq sportshylarǵa dańqty balýan jaıly jazylǵan kitap berildi. Kópshilik kúsh atasy Qajymuqannyń qoldanǵan zattary qoıylǵan tarıhı murajaıdy tamashalady.

Saltanatty sharada oblys ákiminiń orynbasary Sáken Qalqamanov qazaq kúresiniń álemdik deńgeıde órkendep jatqanyn aıtyp ótti.

Qajymuqan Muńaıtpasulynyń nemeresi halyqaralyq dárejedegi sport sheberi, Qazaqstanǵa eńbek sińirgen jattyqtyrýshy Shattyq Qajymuqan bul týrnırge arnaıy kelipti.

Batyr babanyń urpaǵy is sharany uıymdastyrýshylarǵa rızashylyǵyn bildirip, alǵysyn aıtty.

Kil myqty balýandar básekesine bıyl Reseı, Ózbekstan men Qyrǵyzstannan kelgen 200-den astam apaıtós sańlaqtar qatysyp, baqtaryn synaýda.

Boz kilemde talanttarymen tanylǵan myqty sańlaqtardyń arasynda jeńimpaz bolǵan bas júlde ıegerine temir tulpar berilmek.


Avtor Qaırat Zaınıshev
Basty sózder: Sport, Túrkistan oblysy,
Joǵary qaraı