Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistanda depýtat ekenin aıtyp, kafede janjal shyǵarǵan adamnyń kim ekeni anyqtaldy

2021 jyldyń 18 qazan 2021 16:58

TÚRKІSTAN. QazAqparat - Túrkistanda dámhanada tapsyrysty tóleýden bas tartyp, janjal shyǵarǵan adam burynǵy depýtat bolyp shyqty, dep habarlaıdy QazAqparat.

Oblystyq polıtsııa departamentiniń taratqan deregine sensek, 17 qazan kúni túngi saǵat 1.00 shamasynda kóńil kóterý ornynyń qyzmetkerleri Túrkistan polıtsııasynyń 102 pýltine habarlasyp, kómek suraǵan.

Birden oqıǵa ornyna polıtsııa jasaǵy shyqty. Kelgen boıda tártip saqshylary jergilikti turǵyn er adamnyń tólem jasaýdan bas tartyp, janjal shyǵarǵanyn anyqtady.

Quqyq buzýshy, ıaǵnı er azamatqa qatysty usaq buzaqylyq jaıtymen ákimshilik is qozǵaldy.

Jınalǵan materıaldar sotqa jiberiledi.

Sondaı-aq er adamnyń buryn qalalyq máslıhattyń depýtaty bolǵany jáne bıylǵy jyldyń naýryz aıynda ókilettigin toqtatqany anyqtaldy.


Basty sózder: Oqıǵa, Depýtat, Túrkistan oblysy,
Joǵary qaraı